ტრამპის, პუტინისა და სი ძინპინის შეხვედრა ჩინეთში მომავალ კვირას გაიმართება
თეთრი სახლის ინფორმაციით, დონალდ ტრამპი, ვლადიმერ პუტინი და სი ძინპინი მომავალ კვირას ჩინეთში, სამიტის ფარგლებში, შეხვედრას გეგმავენ.
აშშ-ის, რუსეთისა და ჩინეთის ლიდერების საიმხრივი შეხვედრა გაიმართება აზია-წყნარი ოკეანის ეკონომიკური თანამშრომლობის (APEC) სამიტის ფარგლებში, რომელიც ჩინეთის სამხრეთით მდებარე ქალაქ შენჟენში გაიმართება. ამის შესახებ ჟურნალისტებს თეთრი სახლის პრესსპიკერმა ოლივია უელსმა განუცხადა. მისი თქმით, ლიდერების შეხვედრა 19 ნოემბერსაა დაგეგმილი.
"პრეზიდენტმა ნათლად განაცხადა, რომ სხვა საკითხებთან ერთად, ის მსოფლიოში ბირთვული იარაღის შემცირების საკითხსაც განიხილავს. პრეზიდენტი ტრამპი მიიჩნევს, რომ ბირთვული იარაღის გავრცელება უკიდურესად სახიფათოა", - თქვა პრესპიკერმა.
არსებული ინფორმაციით, შეხვედრაზე შესაძლოა ირანის საკითხიც განიხილონ, თუმცა უკრაინის საკითხი დღის წესრიგში არ იქნება.
მოსკოვსა და პეკინს ამ დრომდე შეხვედრის შეთანხმება არ დაუდასტურებიათ.
ფორმულა
წყარო: formulanews.ge