ტრამპი ირანზე: ჩვენ მათი ფული ავიღეთ, ეს არ არის ჩვენი ფული, ეს მათი ფულია და ჩვენ ის დროის გარკვეულ მომენტში გავყინეთ - ვფიქრობ, მისი უკან დაბრუნება მოგვიწევს

აშშ-ის პრეზიდენტმა, დონალდ ტრამპმა ერთმანეთისგან გამიჯნა ირანისთვის ამერიკული ფულის მიცემა - რასაც, მისი თქმით, არ გააკეთებს - და აქტივების განბლოკვა, რაც, მისივე განცხადებით, თავად ირანის კუთვნილი ფულია.

„ჩვენ მათ დიდი ოდენობით ფული ჩამოვართვით“, - განუცხადა ტრამპმა ჟურნალისტებს G7-ის სამიტზე გამართულ პრესკონფერენციაზე, - „ჩვენ მათი ფული ავიღეთ. ეს არ არის ჩვენი ფული, ეს მათი ფულია და ჩვენ ის დროის გარკვეულ მომენტში გავყინეთ. ვფიქრობ, მისი უკან დაბრუნება მოგვიწევს“.

სანქციებთან დაკავშირებით, ტრამპმა ირანის მიმართ გარკვეული ლმობიერება გამოხატა იმ პირობით, თუ იგი შეთანხმების პირობების შესრულებაზე დათანხმდება: „რაც შეეხება სანქციებს, გარკვეულ ეტაპზე, მოგეხსენებათ, ჩვენ გვაქვს [დაწესებული] სანქციები, რომლებიც მათ ფეხზე დადგომის საშუალებას არასოდეს მისცემს. მათ ფული არ ექნებათ. ისინი სიღარიბეში იქნებიან“.