ტრამპი: პუტინმა, უკრაინაში მიმდინარე საშინელი ომის მიუხედავად, მითხრა, რომ ირანისთვის იარაღის მიყიდვას არ აპირებს, მას მშვენივრად ესმის, რომ მე იარაღს უკრაინას კი არ ვყიდი, არამედ ნატოს წევრ ქვეყნებს - ისინი სრულ საფასურს იხდიან, ხოლო თუ როგორ ნაწილდება ეს იარაღი შემდეგ, წარმოდგენა არ მაქვს

პრეზიდენტმა პუტინმა, უკრაინაში მიმდინარე საშინელი ომის მიუხედავად, მითხრა, რომ ირანისთვის იარაღის მიყიდვას არ აპირებს, მას მშვენივრად ესმის, რომ მე იარაღს უკრაინას კი არ ვყიდი, არამედ ნატოს წევრ ქვეყნებს - ისინი სრულ საფასურს იხდიან, ხოლო თუ როგორ ნაწილდება ეს იარაღი შემდეგ, წარმოდგენა არ მაქვს, - განაცხადა აშშ-ის პრეზიდენტმა, დონალდ ტრამპმა.

„პრეზიდენტმა სიმ, ჩინეთში, პეკინში გამართულ ჩვენს ბოლო შეხვედრაზე მითხრა, რომ არავითარ შემთხვევაში არ მისცემს და არ მიჰყიდის იარაღს ირანის ისლამურ რესპუბლიკას და ეს განცხადება ჩინურ კომპანიებსაც ეხებოდა. ჩვენი ურთიერთობის გათვალისწინებით, მე მას სიტყვაზე ვენდობი. გარდა ამისა, მეც ძალიან დიდ სამსახურს ვუწევ მას.

ასევე, პრეზიდენტმა პუტინმა, უკრაინაში მიმდინარე საშინელი ომის მიუხედავად (ურთიერთობა შენარჩუნებულია, ისევე როგორც პრეზიდენტ ზელენსკისთან), მითხრა, რომ ირანისთვის იარაღის მიყიდვას არ აპირებს. მას მშვენივრად ესმის, რომ მე იარაღს უკრაინას კი არ ვყიდი, არამედ ნატოს წევრ ქვეყნებს. ისინი სრულ საფასურს იხდიან, ხოლო თუ როგორ ნაწილდება ეს იარაღი შემდეგ, წარმოდგენა არ მაქვს.

ამრიგად, ორი უმთავრესი ქვეყანა, რომლებზეც ირანთან კონტექსტში ხშირად საუბრობენ, ჩემი აზრით, ამ პროცესში არ მონაწილეობს. ასეც რომ მოქცეულიყვნენ, ეს მათთვის ძალიან ცუდი იქნებოდა და ნამდვილად არ შედიოდა მათ ინტერესებში“, - დასძინა აშშ-ის პრეზიდენტმა.