ტრამპი უკრაინაში მიმდინარე ომზე: დროა შეწყდეს ხოცვა-ჟლეტა

გაეროს გენერალურ ასამბლეაზე სიტყვით გამოსვლისას აშშ-ის პრეზიდენტმა, დონალდ ტრამპმა უკრაინაში რუსეთის შეჭრის დასრულების პერსპექტივებზე ისაუბრა და განაცხადა, რომ კონფლიქტის დარეგულირება იმაზე მოკლე ვადებშია მოსალოდნელი, ვიდრე საზოგადოებას წარმოუდგენია.

„ვფიქრობ, ეს იმაზე ბევრად სწრაფად მოხდება, ვიდრე ხალხს ჰგონია“, - აღნიშნა ტრამპმა.

ტრამპი აცხადებს, რომ აპირებს „კვლავაც განაგრძოს ძალისხმევა რუსეთსა და უკრაინას შორის კატასტროფული ომის დასასრულებლად“.

მისი თქმით, მან ხელი მოაწერა „ახალ, მძლავრ კანონს“ სანქციების შესახებ და „საჭიროების შემთხვევაში, მათ გამოყენებას აუცილებლად შეუდგება“.

„დროა შეწყდეს ხოცვა-ჟლეტა“, - აღნიშნავს იგი.