ტრამპის თქმით, აშშ-ში ინვესტიციები იზრდება - ნამდვილი ეკონომიკური უსაფრთხოება არის ის, რაც წარმოებულია ამერიკაში
აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ქვეყანაში ინვესტიციების ზრდა შეინიშნება.
როგორც თეთრი სახლის ლიდერმა აღნიშნა, ინვესტიციების ზრდა განსაკუთრებით შეინიშნება მიკროსქემების წარმოების დარგში.
ტრამპის განცხადებით, წლების განმავლობაში „დემოკრატები“ ამერიკის მრეწველობას ახრჩობდნენ მგუდავი ბიუროკრატიით, ხოლო ახლა ეს ყველაფერი წარსულს ჩაბარდა.
„ინვესტიციები ზრდას განაგრძობს! ტრამპის ეფექტი რეალურია! კომპანია Micron-ი აშშ-ში ინვესტიციების მოცულობას კოლოსალურ 250 მილიარდ დოლარამდე ზრდის, რათა მიკროსქემები აქ, აშშ-ში აწარმოოს.
წლების განმავლობაში „დემოკრატები“, რომლებიც არაფერს აკეთებდნენ, მგუდავი ბიუროკრატიით, სრული ეკონომიკური არაკომპეტენტურობით და აბსურდული „ვოუქ“ მოთხოვნებით ამერიკულ მრეწველობას ახრჩობდნენ. ისინი აჩერებდნენ ყველაფერს. მაგრამ ახლა ეს წარსულს ჩაბარდა!
ჩვენ ვაუქმებთ რადიკალი მემარცხენეების ნორმებს, რომლებიც სამუშაო ადგილებს სპობდნენ და ვიწყებთ ახალ პროექტებს. ვაბრუნებთ წარმოებას ამერიკაში და მიწოდების ჯაჭვებს ვაძლიერებთ. ეს მთელი ქვეყნის შრომისმოყვარე პატრიოტებისთვის ათასობით შესანიშნავ სამუშაო ადგილებს ნიშნავს. ნამდვილი ეკონომიკური უსაფრთხოება არის ის, რაც წარმოებულია ამერიკაში“, - დაწერა ტრამპმა.
იმედი
წყარო: imedinews.ge