ტრამპმა ხელოვნურ ინტელექტს სახელი გადაარქვა და მას სუპერინტელექტი უწოდა

აშშ-ის პრეზიდენტმა დონალდ ტრამპმა ხელი მოაწერა აღმასრულებელ ბრძანებას, რომლის მიხედვითაც, აშშ-ის აღმასრულებელ ხელისუფლებაში ტერმინი „ხელოვნური ინტელექტი“ (AI) ტერმინით „სუპერინტელექტი“ (SI) უნდა ჩანაცვლდეს. ინფორმაციას თეთრი სახლი ავრცელებს.

თეთრი სახლის განცხადებით, გადაწყვეტილების მიზანია ტექნოლოგიური პროგრესის მუდმივად განვითარებადი შესაძლებლობების აღნიშვნა და იმ პოტენციალის ხაზგასმა, რომელსაც ეს ტექნოლოგიები ამერიკელი ხალხისთვის ქმნის.

აღმასრულებელი ბრძანება ყველა ფედერალურ უწყებას ავალდებულებს, ოფიციალურ მიმოწერაში, საჯარო კომუნიკაციაში, პოლიტიკის დოკუმენტებსა და აღმასრულებელი ხელისუფლების სხვა არასაკანონმდებლო დოკუმენტებში გამოიყენონ ტერმინები „სუპერინტელექტი“ და SI.

ამასთან, უწყებებს ეძლევათ მითითება, აღარ გამოიყენონ ტერმინები „ხელოვნური ინტელექტი“ და AI.

ბრძანების თანახმად, პრეზიდენტის თანაშემწემ მეცნიერებისა და ტექნოლოგიების საკითხებში უნდა შეიმუშაოს „სუპერინტელექტისა“ და SI-ის ფედერალური განმარტების პროექტი, რომელიც ამ ტექნოლოგიის განვითარების თანამედროვე მდგომარეობას ასახავს. მან ასევე უნდა განსაზღვროს, რა დამატებითი აღმასრულებელი ზომებია საჭირო ამ განმარტების ამოქმედებისთვის.