ტრამპმა პუტინთან და ზელენსკისთან სატელეფონო საუბრები გამართა

უკრაინის პრეზიდენტი ვოლოდიმირ ზელენსკი დონალდ ტრამპს ტელეფონით ესაუბრა და აშშ-ის დამოუკიდებლობის 250 წლის იუბილე მიულოცა. მან აშშ-ის პრეზიდენტს მადლობა გადაუხადა იმ დახმარებისთვის, რომელსაც ვაშინგტონი კიევს ომში უწევს.

„ჩვენ უაღრესად ვაფასებთ იმას, რომ ამერიკა მხარს გვიჭერს ჩვენი დამოუკიდებლობის დაცვაში. არსებობს ამ ომის დასრულების რეალური პერსპექტივა და ამერიკის გადაწყვეტილებას გადამწყვეტი მნიშვნელობა ექნება. შევთანხმდით, რომ საუბარს პირადად გავაგრძელებთ ანკარაში ნატოს სამიტის დროს“, - დაწერა ზელენსკიმ ტრამპთან საუბრის შემდეგ თავის ტელეგრამ-არხზე.

აშშ-ის დამოუკიდებლობის 250 წლის იუბილე ტრამპს რუსეთის პრეზიდენტმა ვლადიმერ პუტინმაც მიულოცა. როგორც რუსეთის ფედერაციის პრეზიდენტის თანაშემწემ, იური უშაკოვმა განაცხადა, პუტინმა „აღნიშნა ჩვენი დამაკავშირებელი ისტორიის საერთო ფურცლებისადმი ფრთხილი დამოკიდებულების მნიშვნელობა“, მათ შორის „მოკავშირეობა მეორე მსოფლიო ომის წლებში“. მათ უკრაინაში მიმდინარე ომზეც ისაუბრეს.