ტრამპმა უარყო გამოცემა AXIOS-ის მიერ გავრცელებული ინფორმაცია იმის შესახებ, თითქოს ამერიკულმა მხარემ ირანს სანქციების შემსუბუქება და გაყინული ფინანსური აქტივების განბლოკვა შესთავაზა

აშშ-ის პრეზიდენტმა, დონალდ ტრამპმა უარყო გამოცემა AXIOS-ის მიერ გავრცელებული ინფორმაცია იმის შესახებ, თითქოს ამერიკულმა მხარემ ირანს სანქციების შემსუბუქება და გაყინული ფინანსური აქტივების განბლოკვა შესთავაზა.

ტრამპის განცხადებით, მედიასაშუალების მიერ გამოქვეყნებული ცნობები სინამდვილეს არ შეესაბამება და ყალბია.

„გამოცემა AXIOS-მა გამოაქვეყნა სტატია, სადაც ამტკიცებენ, თითქოს ტრამპმა ირანს სანქციების შემსუბუქება და გაყინული სახსრების დაბრუნება შესთავაზა. ეს ტყუილია. მე მათთვის არაფერი შემითავაზებია! AXIOS-ის სტატია, ისევე როგორც უმეტესობა სხვა მასალებისა, არის ფალსიფიკაცია, რომელიც მხოლოდ მათი „ტრამპის სიძულვილის სინდრომის“ დასაკმაყოფილებლად გამოიყენება. მათ დაუყოვნებლივ უნდა გაიწვიონ ეს ყალბი სტატია“, - განაცხადა დონალდ ტრამპმა.