უკრაინელი დეპუტატი: ვინც არ უნდა იყოს ზელენსკის კონკურენტი არჩევნებზე, ვფიქრობ, მივიღებთ 2019 წლის მსგავს სიტუაციას, როდესაც მეორე ტურში მოქმედი პრეზიდენტის გარდა ნებისმიერი სხვა გაიმარჯვებს
უკრაინის რადის დეპუტატმა Politico-ს განუცხადა, რომ პრეზიდენტობის ნებისმიერი კანდიდატი ვოლოდიმირ ზელენსკის არჩევნებს მოუგებს. იაროსლავ ჟელეზნიაკმა ზელენსკის რეიტინგის ვარდნა ქვეყანაში გადაუჭრელი პრობლემების ერთობლიობით ახსნა.
„ვინც არ უნდა იყოს მისი კონკურენტი - ზალუჟნი, ბუდანოვი, ფედოროვი თუ სხვა, ვფიქრობ, მივიღებთ 2019 წლის მსგავს სიტუაციას, როდესაც მეორე ტურში მოქმედი პრეზიდენტის გარდა ნებისმიერი სხვა გაიმარჯვებს. ამ შემთხვევაში, ეს ძალიან ჰგავს ჩერჩილის ისტორიას, როდესაც კაცს, რომელმაც ომი მოიგო, არჩევნებში ხმა არ მისცეს“, - მიიჩნევს ჟელეზნიაკი.
Politico-მ უკრაინაში პოლიტიკურ ვითარებას ვრცელი სტატია მიუძღვნა და დაწერა, რომ არჩევნების დანიშვნაზე თავდაცვის ყოფილი მინისტრის მიხაილო ფედოროვის ინიციატივას კიევში ნეგატიური რეაქცია მოჰყვა. ზელენსკის პარტიაში ამბობენ, რომ ომის დროს დემოკრატიული არჩევნების ჩატარება შეუძლებელია.
იმედი
წყარო: imedinews.ge