უკრაინის საგარეო საქმეთა მინისტრი: პირდაპირი მოლაპარაკებების შესახებ პრეზიდენტ ზელენსკის წინადადებაზე უარით პუტინმა გაუშვა შანსი, გამოვიდეს მისი წაგებული ომიდან

რუსებისთვის კარგი ამბები არაა. პირდაპირი მოლაპარაკებების შესახებ პრეზიდენტ ზელენსკის წინადადებაზე უარით პუტინმა გაუშვა შანსი, გამოვიდეს მისი წაგებული ომიდან, - წერს უკრაინის საგარეო საქმეთა მინისტრი სოციალურ ქსელში.

ანდრეი სიბიგა აცხადებს, რომ რუსეთს მაინც მოუწევს ომის დასრულება დიპლომატიური გზით, თუმცა „პირობები უფრო უარესი იქნება“.

„რუსეთისთვის ვითარება მხოლოდ გაუარესდება. ბრძოლის ველზე დანაკარგები გაიზრდება. მარცხი სულ უფრო დამამცირებელი იქნება. ეკონომიკა კიდევ უფრო ღრმად ჩაეფლობა რეცესიაში. გაქრება სულ უფრო მეტი სამუშაო ადგილი, გაიზრდება გადასახადები, ინფლაცია კი ყველაზე მეტად მოსახლეობის ყველაზე მოწყვლად ფენას დაარტყამს.

რუსეთში უკვე აღარ არსებობს უსაფრთხო ადგილი, სადაც უკრაინის შორი რადიუსის სანქციებს დაემალებით, თუმცა მათი ინტენსივობა გაიზრდება. საერთაშორისო ზეწოლა არ შესუსტდება, მხოლოდ გაძლიერდება. მათ შორის აქტივების გაყინვით, მოგზაურობის აკრძალვით და დანაშაულისთვის გარდაუვალი პასუხისმგებლობის დაყენებით“, - წერს სიბიგა.

No good news for the Russians. By refusing President Zelenskyy’s offer for direct peace talks, Putin lost his chance to get out of his failed war. Things will only get worse for Russia. Battlefield losses will continue to grow. Failures will get more humiliating. The economy… — Andrii Sybiha 🇺🇦 (@andrii_sybiha) June 6, 2026