უკრაინის უმაღლესი ანტიკორუფციული სასამართლო პრეზიდენტის ოფისის ყოფილი ხელმძღვანელის, ანდრიი ერმაკის მიმართ აღკვეთის ღონისძიებას განიხილავს
უკრაინის უმაღლესი ანტიკორუფციული სასამართლო განიხილავს აღკვეთის ღონისძიებას პრეზიდენტის ოფისის ყოფილი ხელმძღვანელის ანდრიი ერმაკის მიმართ, რომელიც ეჭვმიტანილია დანაშაულებრივი გზით მიღებული შემოსავლების ლეგალიზაციაში. ინფორმაციას ამის შესახებ უკრაინული მედია ავრცელებს.
სხდომის დაწყებამდე ერმაკმა ჟურნალისტების კითხვებზე პასუხის გაცემაზე უარი თქვა და მხოლოდ ის აღნიშნა, რომ სამართლიანი სასამართლოს მოლოდინშია.
ცნობილია, რომ ერმაკის ადვოკატი იგორ ფომინია. კორუფციასთან ბრძოლის სპეციალიზებული პროკურატურის შუამდგომლობას მოსამართლე ვიქტორ ნოგაჩევსკი განიხილავს.
ერმაკის მიმართ აღკვეთის ღონისძიების შეფარდების სხდომის ნაწილი დახურულ რეჟიმში ჩატარდება. შესაბამისი შუამდგომლობით ბრალდების მხარე გამოვიდა. დაცვის მხარემ აღნიშნულ შუამდგომლობას მხარი დაუჭირა.
დაცვის მხარემ სხდომის გადადება ითხოვა, ვინაიდან ერმაკის საქმე 16 ტომს მოიცავს, თითოეული 250 გვერდით. ადვოკატმა განაცხადა, რომ დაცვის მხარემ საქმის ყველა მასალის გაცნობა ვერ მოასწრო.
იმედი
წყარო: imedinews.ge