უნგრელმა მოჭადრაკემ პრეზიდენტობაზე უარი თქვა

ცნობილმა უნგრელმა მოჭადრაკემ, იუდიტ პოლგარმა უნგრეთის პრეზიდენტის პოსტის დაკავებაზე უარი თქვა. მან განაცხადა, რომ არ არის მზად „იკისროს ისტორიული პასუხისმგებლობა და გაერთიანოს გაყოფილი ერი“. უნგრეთის პრემიერ-მინისტრმა პეტერ მადიარმა უპასუხა, რომ პატივისცემით შეხვდა პოლგარის გადაწყვეტილებას.

იუდიტ პოლგარი ერთადერთი ქალია, რომელმაც მსოფლიოს უძლიერეს მოჭადრაკეთა ათეულში შესვლა შეძლო.

უნგრეთის პრეზიდენტის თანამდებობა ვაკანტური მას შემდეგ გახდა, რაც ამ პოსტზე მომუშავე ტამაშ შულიოკმა ხელი მოაწერა მადიარის პარტიის მიერ მიღებულ კანონპროექტს, რომელიც მის გადაყენებას ითვალისწინებს. ახლა პრეზიდენტის მოვალეობას ქვეყნის პარლამენტის თავმჯდომარე, აგნეშ ფორსტოფერი ასრულებს.

ამ ეტაპზე კვლავ უცნობია, ვინ დაიკავებს უნგრეთის პრეზიდენტის პოსტს.