ტრამპი: სტივ უიტკოფი და ჯარედ კუშნერი მოსკოვში ომის დასრულების კონკრეტულ წინადადებას ჩაიტანენ

აშშ-ის პრეზიდენტმა, დონალდ ტრამპმა განაცხადა, რომ მისი წარმომადგენლები, სტივ უიტკოფი და ჯარედ კუშნერი, მოსკოვში ომის დასრულების კონკრეტულ წინადადებას ჩაიტანენ.

„უიტკოფი და კუშნერი გეგმავენ, მოსკოვს ომის დასრულების წინადადება წარუდგინონ“, - აღნიშნა ტრამპმა თეთრ სახლში გამართულ პრესკონფერენციაზე ჟურნალისტების კითხვის საპასუხოდ.

ტრამპმა უიტკოფი და კუშნერი „შესანიშნავ მომლაპარაკებლებად“ შეაფასა.

„საჭიროა, რომ ეს საკითხი მოგვარდეს. და მე ეს გავაკეთე - გავაგზავნე სტივ უიტკოფი და ჯარედ კუშნერი, ორი შესანიშნავი მომლაპარაკებელი. მათ ბრწყინვალე სამუშაო გასწიეს. ჩვენ ისინი იმის დასადგენად გავგზავნეთ, შევძლებთ თუ არა რაიმე შეთანხმების მიღწევას, და შესაძლოა, ამის კარგი შანსიც გვქონდეს“, - განაცხადა აშშ-ის პრეზიდენტმა.