ურსულა ფონ დერ ლაიენი სომხეთს რუსეთისგან მომდინარე ეკონომიკური საფრთხის ფონზე დახმარებას დაჰპირდა
იმედი|imedinews.ge
ევროკომისიის პრეზიდენტი ურსულა ფონ დერ ლაიენი ერევანში ვიზიტით იმყოფებოდა და სომხეთის პრემიერ-მინისტრთან ნიკოლ ფაშინიანთან შეხვედრის შემდეგ განაცხადა, რომ ერევანს რუსეთისგან მომავალი ეკონომიკური ზეგავლენის ფონზე, შეუძლია ბრიუსელის იმედი ჰქონდეს.
ფონ დერ ლაიენმა სომხეთისთვის დამატებით 18 მილიონი ევროს დახმარებაც დააანონსა.
„ვიცი, რომ სომხეთი რუსეთისგან ჯერ კიდევ სერიოზული ეკონომიკური წნეხის ქვეშაა. გარწმუნებთ, რომ როცა ჩვენს პარტნიორებზე წნეხი იზრდება, ევროკავშირი შესაბამისად რეაგირებს. თქვენ დამატებით მიიღებთ 18 მილიონ ევროს, რაც დაგეხმარებათ ვაჭრობის გაძლიერებასა და გამრავალფეროვნებაში“, - განაცხადა ფონ დერ ლაიენმა ფაშინიანთან გამართულ ერთობლივ პრესკონფერენციაზე.
გაზიარება:
იმედი
წყარო: imedinews.ge