უცხოური ენების გამოცდასთან დაკავშირებით ონლაინ საინფორმაციო შეხვედრა ჩატარდა
შეფასებისა და გამოცდების ეროვნულმა ცენტრმა, 2026 წლის გამოცდებთან დაკავშირებით მიმდინარე საინფორმაციო კამპანიის ფარგლებში, აბიტურიენტებისათვის უცხოური ენების გამოცდასთან დაკავშირებით ონლაინ საინფორმაციო შეხვედრა გამართა, - ინფორმაციას შეფასებისა და გამოცდების ეროვნული ცენტრი ავრცელებს.
უწყების ცნობით, შეხვედრაზე მონაწილეებს შესაძლებლობა ჰქონდათ, მიეღოთ დეტალური ინფორმაცია უცხოური ენების საგამოცდო პროგრამების, ტესტების ფორმატისა და დავალებების სპეციფიკის შესახებ. განსაკუთრებული ყურადღება დაეთმო შეფასების ძირითად კრიტერიუმებსა და აბიტურიენტების მიერ ხშირად დაშვებულ შეცდომებს.
„შეფასებისა და გამოცდების ეროვნული ცენტრი საინფორმაციო შეხვედრებს ეტაპობრივად სხვა საგამოცდო საგნებშიც გამართავს.
დამატებითი ინფორმაცია შეხვედრების შესახებ ცენტრის ვებგვერდზე გამოქვეყნდება“, - აღნიშნულია გავრცელებულ ინფორმაციაში.
იმედი
წყარო: imedinews.ge