ვაშინგტონში ერთდღიან სამლოცველო აქციაზე ათასობით ადამიანი შეიკრიბა

ვაშინგტონში ათასობით ადამიანი მივიდა ერთდღიან სამლოცველო აქციაზე, რომელიც გამოცხადებული იყო, როგორც „ჩვენი ქვეყნის ღმერთისადმი ხელახალი მიძღვნა, როგორც ერთი ერისა“.

ვაშინგტონის მონუმენტის ფონზე, სცენიდან ისმოდა რელიგიური მუსიკა, რაც ხაზს უსვამდა ღონისძიების ქრისტიანულ ფოკუსს. თაღოვანი ვიტრაჟები, რომლებიც განთავსებული იყო ფედერალური შენობის მსგავსი გრანდიოზული სვეტების ქვეშ, გამოსახავდა ქვეყნის დამფუძნებლებს თეთრი ჯვრის გვერდით.

„ამერიკამ დაასრულა ურთიერთობა ღმერთთან, მაგრამ ღმერთს არ დაუსრულებია ურთიერთობა ამერიკასთან“, - განაცხადა პასტორმა სამუელ როდრიგესმა.

თეთრი სახლის მიერ მხარდაჭერილმა ღონისძიებამ ფართო კრიტიკა გამოიწვია ეკლესიასა და სახელმწიფოს შორის ზღვრის წაშლის გამო, რადგან გავლენიანი რესპუბლიკელი ოფიციალური პირები სიტყვით გამოდიოდნენ ძირითადად ევანგელისტ მომხსენებლებთან ერთად.

ღონისძიებაზე აჩვენეს ვიდეო, რომელშიც პრეზიდენტი დონალდ ტრამპი ბიბლიიდან ნაწყვეტს კითხულობს. შეკრებილებისთვის ვიდეომიმართვა ჩაწერა თავდაცვის მდივანმა პიტ ჰეგსეტმა.

Washington Post-ის ინფორმაციით, ოფიციალური პირები აქციაზე დაახლოებით 15 000 ადამიანის დასწრებას ელოდნენ.