ვატო შაქარიშვილი: მამა ანდრია ჯაღმაიძის მიერ გავრცელებული სკანდალური ინფორმაცია უნდა იყოს განგაშის კიდევ ერთი საფუძველი, გამოფხიზლების საფუძველი, რომ ამ ევრო ილუზიის პირობებში და ასეთი ევროკავშირისკენ სვლა დღეს რომ არის კონსტიტუციურ დოგმად წარმოდგენილი, საფრთხეს უქმნის ჩვენი ქვეყნის ძირითად საყრდენებს

სხვა არაერთ გარემოებასთან ერთად, მამა ანდრია ჯაღმაიძის მიერ გავრცელებული სკანდალური ინფორმაცია უნდა იყოს განგაშის კიდევ ერთი საფუძველი, გამოფხიზლების საფუძველი, რომ ამ ევრო ილუზიის პირობებში და ასეთი ევროკავშირისკენ სვლა დღეს რომ არის კონსტიტუციურ დოგმად წარმოდგენილი, საფრთხეს უქმნის ჩვენი ქვეყნის ძირითად საყრდენებს, რომელიც განსაზღვრავს ჩვენ ქვეყანას და ჩვენს ისტორიას, - განაცხადა გადაცემაში „დღის ქრონიკა“ „ერთიანი ნეიტრალური საქართველოს“ აღმასრულებელმა მდივანმა ვატო შაქარიშვილმა.

მისივე თქმით, უნდა იყოს მომავალში გარანტი იმისთვის, რომ ქრისტიანულ სუვერენულ, მშვიდობიან, ტრადიციულ ქვეყანაში შეძლებს მოსახლეობა ცხოვრებას და მოხერხდება დამოუკიდებელი პოლიტიკით მშვიდობიანი და სტაბილური განვითარება.

„ორი მიმართულება მუშაობდა ევროკავშირის ბიუროკრატია, საკუთარი ფონდებით აფინანსებდა საქართველოში ორგანიზაციებს და კამპანიებს, რომლებიც მიზნად ისახავდა ეკლესიის დისკრედიტაციას. ეს იყო სისტემური და სისტემატური კამპანიები, სადაც იდებოდა უდიდესი ფული.

მეორე მხრივ ირკვევა, რომ ისინი დადიოდნენ საპატრიარქოში ოფიციალურ შეხვედრებზე და მათ სთხოვდნენ ამ ლგბტ დღის წესრიგში დახმარებას და ეკლესიისგან ითხოვდნენ, რომ ჩართულიყო ამ პროპაგანდაში. ახლა ვხედავთ, რომ მიღებული მტკიცე პოზიციიდან გამომდინარე პირდაპირ ევროკავშირის ბიუროკრატია გამოდის წინა პლანზე და მათ დოკუმენტებში ჩნდება ჩანაწერი, რომელიც არის პირდაპირი თავდასხმა ქართულ მართლმადიდებელ ეკლესიაზე. ამ ვითარებას სჭირდება ადეკვატური პასუხი.

ლგბტ პროპაგანდა არის მიუღებელი და დაუშვებელი, ჩვენ დავიცავთ ჩვენს შვილებს ამ პროპაგანდისგან, რადგან არ მივიღოთ ის კატასტროფული შედეგი, რაც დღეს ევროპაშია“, - აღნიშნა ვატო შაქარიშვილმა.

„ერთიანი ნეიტრალური საქართველო“ განცხადებას ავრცელებს, სადაც აღნიშნავს, რომ საპატრიარქოს ოფიციალური წარმომადგენლის მიერ გაცხადებული ფაქტები უნდა გახდეს განგაშის საფუძველი.