ვლადიმერ ბოისა საქართველო-ესპანეთის მატჩზე: ეს თამაში იყო ზღაპარი

საქართველოს კალათბურთის ფედერაციის ვიცე-პრეზიდენტმა ვლადიმერ ბოისამ ესპანეთთან მატჩი შეაფასა. მან გამარჯვებაში თითოეული კალათბურთელის წვლილს გაუსვა ხაზი.

„ბოლომდე გვჯეროდა, რომ შეგვეძლო მოგება. რა თქმა უნდა, თორნიკე შენგელიამ და რიგმა ითამაშეს ზღაპრულად. ეს თამაში იყო ზღაპარი და არ მახსოვს რომ ესპანეთთან 20 ქულას ვაგებდეთ და მოგვეგო ბოლოს. ყველამ, ვინც მოედანზე შემოვიდა, მაქსიმალურად ითამაშა“, - აღნიშნა მან.

საქართველოს კალათბურთელთა ეროვნულმა ნაკრებმა 2027 წლის მსოფლიოს ჩემპიონატის პირველი შესარჩევი ეტაპის დასკვნით მატჩში ესპანეთს უმასპინძლა. შეხვედრა „ჯვაროსნების“ გამარჯვებით, ანგარიშით 91:89 დასრულდა. მასპინძლების რიგებში საუკეთესო იყო თორნიკე შენგელია, რომელმაც 45 წუთში 37 ქულა, 10 მოხსნა, 2 შედეგიანი გადაცემა და 4 ჩაჭრა დააგროვა. ერთ შეხვედრაში დაგროვებული ქულების რაოდენობით შენგელია ეროვნული გუნდის ყველა დროის რეკორდსმენი გახდა და ზაზა ფაჩულიას და მაიკლ დიქსონის მიღწევა გააუმჯობესა.

გუნდმა შესარჩევი ციკლის მეორე ეტაპის საგზური უკვე გაინაღდა. მეორე ეტაპის თამაშებს საქართველოს ნაკრები 2026 წლის აგვისტოსა და ნოემბერში, ასევე 2027 წლის თებერვალსა და მარტში გამართავს.