ზაზა შათირიშვილი: გერმანიისთვის კოალიციური მმართველობის გამწევ ძალას მსხვილი პარტიები წარმოადგენენ, თუმცა, დღესდღეობით, მათთვის საერთო გამოწვევად სწორედ ახალგაზრდა „ალტერნატივა გერმანიისთვის“ გადაიქცა, რის გამოც კოალიციური მთავრობა, ერთი შეხედვით, დაპირისპირებულმა ძალებმა, რეალურად კი „დიფ სთეითის“ მიერ მართულმა პარტიებმა ერთად ჩამოაყალიბეს

იმის მიუხედავად, რომ მიმდინარე ომისა და უკრაინის დასახმარებლად გადამისამართებული ფინანსების გათვალისწინებით წარმოქმნილი სოციალურ-ეკონომიკური პრობლემების ფონზე მოსახლეობის უკმაყოფილება იზრდება, უკრაინის მხარდაჭერის საკითხი გადახედვას მაინც არ ექვემდებარება, - ვკითხულობთ გერმანიაში ჩატარებულ არჩევნებთან და ქვეყანაში მიმდინარე პოლიტიკურ მოვლენებთან დაკავშირებით ფილოსოფოს ზაზა შათირიშვილის მიერ გამოქვეყნებულ წერილში.

შათირიშვილის შეფასებით, გერმანიაში საპროტესტო განწყობის ზრდა შეინიშნება, რისი მაჩვენებელიც “გერმანიის უმსხვილესი პარტიებისადმი ნდობისა და მხარდაჭერის შემცირება, მეორე მხრივ კი 2013 წელს დაარსებული „ალტერნატივა გერმანიისთვის“ რეიტინგის მკვეთრი მატება, საბოლოოდ კი გუშინდელ არჩევნებში ერთპიროვნული, ტრიუმფალური გამარჯვებაა.”

შათირიშვილი წერს მზარდ ოპოზიციურ ძალაზე “ალტერნატივა გერმანიისთვის”, რომლის მიზანიც უკრაინისთვის გამოყოფილი ფინანსური რესურსის შემცირება და მისი გერმანელი ხალხისკენ მიმართვაა, რაც ეწინააღმდეგება “დიფ სთეითის” მიერ ჩამოყალიბებული მთავრობის პოზიციას.

„რუსეთ-უკრაინის დამანგრეველი ომის მიმდინარეობის პროცესში, უკრაინის მხარდამჭერი ნაბიჯების გადადგმისა და განცხადებების თვალსაზრისით, სხვა სახელმწიფოებთან შედარებით, გერმანია ყველაზე აქტიურია. იმის მიუხედავად, რომ მიმდინარე ომისა და უკრაინის დასახმარებლად გადამისამართებული ფინანსების გათვალისწინებით წარმოქმნილი სოციალურ - ეკონომიკური პრობლემების ფონზე მოსახლეობის უკმაყოფილება იზრდება, უკრაინის მხარდაჭერის საკითხი გადახედვას მაინც არ ექვემდებარება. მეტიც, ბოლო პერიოდში ამ მიმართულებით საუბრები კიდევ უფრო აქტიურდება, თუმცა, მნიშვნელოვანია, რომ აღნიშნულ პოლიტიკას მხარს გერმანელი ხალხიც უჭერდეს, წინააღმდეგ შემთხვევაში კონკრეტული ნაბიჯების გადადგმა ძალზედ გაჭირდება. საპროტესტო განწყობების ზრდის უტყუარი მაჩვენებელი კი ათწლეულების განმავლობაში გერმანიის უმსხვილესი პარტიებისადმი ნდობისა და მხარდაჭერის შემცირება, მეორე მხრივ კი, 2013 წელს დაარსებული „ალტერნატივა გერმანიისთვის“ რეიტინგის მკვეთრი მატება, საბოლოოდ კი გუშინდელ არჩევნებში ერთპიროვნული, ტრიუმფალური გამარჯვებაა. მოგეხსენებათ, მეორე მსოფლიო ომის დასრულებისა და ქვეყნის პოლიტიკური სისტემის ტრანსფორმაციის შემდეგ, გერმანიისთვის კოალიციური მმართველობა სრულიად ბუნებრივ მოვლენად იქცა. ტრადიციულად, აღნიშნული გაერთიანებების გამწევ ძალას მსხვილი პარტიები - „ქრისტიან - დემოკრატები“ ან „სოციალ - დემოკრატები“ წარმოადგენენ, თუმცა, დღესდღეობით, მათთვის, საერთო გამოწვევად, სწორედ ახალგაზრდა, მემარჯვენე იდეების მატარებელი, უკონტროლო მიგრაციისა და „ლგბტქ+“ დღის წესრიგის მოწინააღმდეგე „ალტერნატივა გერმანიისთვის“ გადაიქცა, რის გამოც კოალიციური მთავრობა, ერთი შეხედვით დაპირისპირებულმა ძალებმა, რეალურად კი „დიფ სთეითის“ მიერ მართულმა პარტიებმა ერთად ჩამოაყალიბეს. კიდევ ერთი საკითხი, რომელზეც მზარდი ოპოზიციური ძალის წარმომადგენლები გამუდმებით მსჯელობენ, უკრაინის მხარდაჭერის გადახედვა და ამისთვის გამოყოფილი რესურსების გერმანელი ხალხისთვის მნიშვნელოვანი სოციალური თუ ეკონომიკური პრობლემების აღმოფხვრისკენ მიმართვაა, რაც არაფორმალური ოლიგარქიული ძალების კონტროლირებადი სამთავრობო გუნდის დეკლარირებულ პოზიციას მკვეთრად ეწინააღმდეგება”, - ვკითხულობთ წერილში.