ზელენსკი: არ შეიძლება ეწოდოს შემთხვევითობა იმას, რომ უკრაინის წინააღმდეგ რუსეთის ერთ-ერთი ყველაზე მასირებული შეტევა ზუსტად იმ დროს ხდება, როდესაც აშშ-ის პრეზიდენტი ვიზიტით ჩინეთში ჩავიდა
„უკრაინაზე ოთხშაბათს განხორციელებული მასირებული თავდასხმა შემთხვევითი არ ყოფილა“ - უკრაინის პრეზიდენტის, ვოლოდიმირ ზელენსკის განცხადებით, ამ გზით რუსეთის ლიდერი ცდილობს ყურადღება დონალდ ტრამპის ჩინეთში ვიზიტიდან გადაიტანოს.
„ნამდვილად არ შეიძლება ეწოდოს შემთხვევითობა იმას, რომ უკრაინის წინააღმდეგ რუსეთის ერთ-ერთი ყველაზე ხანგრძლივი მასირებული შეტევა ზუსტად იმ დროს ხდება, როდესაც ამერიკის შეერთებული შტატების პრეზიდენტი ვიზიტით ჩინეთში ჩავიდა - ვიზიტით, რომლისგანაც ბევრს ელიან“, - აღნიშნა პრეზიდენტმა თავის განცხადებაში.
ზელენსკიმ დასძინა, რომ „ამ რთულ გეოპოლიტიკურ მომენტში“ რუსეთი ცდილობს გააფუჭოს საერთო პოლიტიკური ატმოსფერო და „მიაპყროს ყურადღება საკუთარ ბოროტებას“ უკრაინელების სიცოცხლისა და უკრაინის ინფრასტრუქტურის ხარჯზე.
„დღის განმავლობაში რუსები ჩვენი რეგიონების მიმართულებით „შაჰედების“ ტალღებს უშვებდნენ და, კერძოდ, მიზანმიმართულად უტევდნენ ნატოს წევრი ქვეყნების საზღვრებთან ყველაზე ახლოს მდებარე რეგიონებს“, - დასძინა სახელმწიფოს მეთაურმა.
