ზელენსკიმ პოლონეთს „თეთრი არწივის“ ორდენი დაუბრუნა
უკრაინის პრეზიდენტმა პოლონეთს „თეთრი არწივის“ ორდენი დაუბრუნა. ვოლოდიმირ ზელენსკიმ ჯილდო, რომელიც მისი თქმით 2023 წელს უკრაინელი ხალხისა და არმიისთვის იყო განკუთვნილი, პოლონელი კოლეგას კაროლ ნავროცკის ფოსტით გაუგზავნა, სოციალურ ქსელში კი განცხადებასთან ერთად ფოტო გაავრცელა, სადაც ჩანს, რომ ჯილდო პოლონეთის პრეზიდენტის კანცელარიის მისამართზე გაიგზავნა.
ვოლოდიმირ ზელენსკის კვალდაკვალ „თეთრი არწივის“ ორდენზე უარი უკრაინის ყოფილმა პრეზიდენტებმა ლეონიდ კუჩმამ, ვიქტორ იუშჩენკომ და პეტრო პოროშენკომაც თქვეს. პოლონურ ჯილდოებზე უარი უკრაინის საგარეო საქმეთა მინისტრმა ანდრიი სიბიგამ და უკრაინის პრეზიდენტის ოფისის ხელმძღვანელმა კირილო ბუდანოვმავ თქვეს.
პოლონეთის პრეზიდენტმა ვოლოდიმირ ზელენსკის „თეთრი არწივის“ ორდენი ჩამოართვა. ასეთი გადაწყვეტილება განპირობებული იყო იმით, რომ ზელენსკიმ ერთ-ერთ უკრაინულ სამხედრო ქვედანაყოფს „უკრაინის მეამბოხე არმიის გმირების“ სახელი მიანიჭა. პოლონეთში ფიქრობენ, რომ „უკრაინის მეამბოხე არმია“ ვოლინის ტრაგედიასთან არის დაკავშირებული.
იმედი
წყარო: imedinews.ge