ზელენსკიმ რუსეთში ორ ნავთობგადამამუშავებელ ქარხანაზე დარტყმის შესახებ განაცხადა
უკრაინამ 28 ივნისის ღამეს შორი მანძილის დარტყმებით რუსეთის ორ ნავთობგადამამუშავებელ ქარხანას - კრასნოდარის მხარესა და იაროსლავლის ოლქში დაარტყა. ინფორმაცია უკრაინის პრეზიდენტმა, ვოლოდიმირ ზელენსკიმ გაავრცელა.
„ჩვენ ვაგრძელებთ ჩვენს ოპერაციებს, რომლებიც რუსეთის მიერ ამ ომის წარმოების შესაძლებლობებს ასუსტებს. ჩვენი თითოეული შორი მანძილის სანქცია არის იმ რესურსების შემცირება, რომლებიც რუსულ სამხედრო მანქანაზე მუშაობს, და კიდევ ერთი ნაბიჯი მშვიდობისკენ“, - დაწერა მან სოციალურ ქსელში.
უკრაინული უპილოტო საფრენი აპარატების თავდასხმის შემდეგ, 28 ივნისის ღამეს კრასნოდარის ნავთობგადამამუშავებელ ქარხანაში გაჩენილი ხანძრის შესახებ რეგიონულმა ხელისუფლებამ განაცხადა. თუმცა, იაროსლავლში ნავთობგადამამუშავებელ ქარხანაზე დარტყმის შესახებ აქამდე ცნობილი არ იყო.
იმედი
წყარო: imedinews.ge