ზვიად შალამბერიძე ვიზალიბერალიზაციასთან დაკავშირებით ბრიუსელში დაგეგმილ შეხვედრაზე: ეს არის მორიგი ტექნიკური, დაგეგმილი შეხვედრა, რომელიც იმართება დღევანდელ დღეს და რომლის მსგავსი შესაძლოა მომავალ პერიოდშიც გაიმართოს, ვინაიდან პროტოკოლი ამას ითვალისწინებს

ეს არის მორიგი ტექნიკური, დაგეგმილი შეხვედრა, რომელიც იმართება დღევანდელ დღეს და რომლის მსგავსი შესაძლოა მომავალ პერიოდშიც გაიმართოს, ვინაიდან პროტოკოლი ამას ითვალისწინებს, - განუცხადა ჟურნალისტებს რეგიონული პოლიტიკისა და თვითმმართველობის საპარლამენტო კომიტეტის თავმჯდომარის პირველმა მოადგილემ, ზვიად შალამბერიძემ ვიზალიბერალიზაციასთან დაკავშირებით ბრიუსელში დაგეგმილ შეხვედრაზე.

შალამბერიძის თქმით, სამწუხაროა, რომ ოპოზიციური ლიდერები ცდილობენ ამისგან აპოკალიფსური სცენარი შექმნან.

„ეს არის მორიგი ტექნიკური, დაგეგმილი შეხვედრა, რომელიც იმართება დღევანდელ დღეს და რომლის მსგავსი შესაძლოა მომავალ პერიოდშიც გაიმართოს იმიტომ, რომ პროტოკოლი ამას ითვალისწინებს. ის პერიოდი, რა პერიოდიც ახლა მიმდინარეობს, სწორედ ეს ვიზალიბერალიზაციის განმტკიცების საკითხი, მოითხოვს ასეთ შეხვედრებს. რა თქმა უნდა, ჩვენ უნდა დაველოდოთ საბოლოო გადაწყვეტილებებს. დღეს კონკრეტული გადაწყვეტილების მიღება არ იქნება. სამწუხაროა ის, რომ ჩვენი ოპოზიციური ლიდერები ცდილობენ ამისგან აპოკალიფსური სცენარი შექმნან“, - აღნიშნა მან.

რამდენიმე საათში ბრიუსელში ვიზალიბერალიზაციის საკითხზე საქართველოს წარმომადგენლებთან ტექნიკური ხასიათის შეხვედრა გაიმართება. ქართული მხარე ბრიუსელში კონკრეტული არგუმენტებით ჩადის და ხაზგასმით ამბობს, რომ საქართველო ვიზალიბერალიზაციით ნაკისრ ყველა ვალდებულებას ასრულებს.