„აჭარის მსგავსი შთანთქმის სცენარი აფხაზეთისთვის მიუღებელია" - სოხუმი - Netgazeti

აფხაზეთის დე ფაქტო საგარეო უწყება განცხადებით ეხმაურება “შერიგებასთან დაკავშირებით” ქართველი პოლიტიკოსებისა და სასულიერო პირების უკანასკნელ გამოსვლებს და “ცუდ” მაგალითად მოჰყავს აჭარა, რომელმაც “იდენტობა და პოლიტიკური სუბიექტურობა დაკარგა”.

სოხუმი აცხადებს, რომ ქართული მხარის განცხადებები გარდაუვალი „გაერთიანების“ შესახებ აფხაზი ხალხის სუვერენული ნებისა და აზრის ყოველგვარი გათვალისწინების გარეშე ჟღერს, სადაც იკვეთება აფხაზეთის მცირერიცხოვანი ხალხის არსებობისა და თვითგამორკვევის უფლების იგნორირება.

“ჩვენთვის თვალსაჩინო და ტრაგიკული მაგალითია აჭარის ბედი, რომელმაც ფაქტობრივად დაკარგა თავისი იდენტობა და პოლიტიკური სუბიექტურობა, რეალური უფლებების მქონე ავტონომიური ერთეულის სახით პოლიტიკური რუკიდან გაქრა. აფხაზეთის რესპუბლიკისთვის მსგავსი შთანთქმის სცენარი კატეგორიულად მიუღებელია”, – აცხადებენ დე ფაქტო საგარეო საქმეთა სამინისტროში.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.