ფაშინიანმა პუტინს სომხურ პროდუქციაზე შეზღუდვების მოხსნისკენ მოუწოდა - Netgazeti

სომხეთის პრემიერ-მინისტრ ნიკოლ ფაშინიანსა და რუსეთის პრეზიდენტ ვლადიმირ პუტინს შორის სატელეფონო საუბარი გაიმართა.

როგორც სომხური მედია წერს ოფიციალურ ინფორმაციაზე დაყრდნობით, მხარეებმა ორმხრივ ურთიერთობებში არსებული ეკონომიკური საკითხები განიხილეს.

მედიის ცნობითვე, სატელეფონო საუბარში ფაშინიანმა პუტინს უთხრა, რომ რუსეთის ბაზარზე სომხური წარმოშობის პროდუქციის ექსპორტზე დაწესებული შეზღუდვები ეწინააღმდეგება სომხეთსა და რუსეთს შორის დადებულ სახელშეკრულებო-სამართლებრივ ბაზასა და ევრაზიული ეკონომიკური კავშირის რეგულაციებს. ასევე, პრობლემის მოსაგვარებლად შესაბამისი ზომების მიღება მოითხოვა.

რუსეთმა ამჯერად სომხური რძის პროდუქციის იმპორტი შეზღუდა

მანამდე, 26 ივნისს, როსსელხოზნადზორმა დროებით შეაჩერა კიდევ ორი სომხური საწარმოს სერტიფიცირება, რის შედეგადაც შეზღუდვები გავრცელდა სომხეთიდან რუსეთში თევზისა და თევზის პროდუქტების ექსპორტზეც.

შეზღუდვები მოსკოვმა ასევე სომხეთიდან ყვავილების, მინერალურ წყლის, ხილისა და ბოსტნეულის იმპორტზე დააწესა.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.