აფხაზეთში „არასასურველი უცხო ქვეყნის მოქალაქის“ სტატუსს შემოიღებენ - Netgazeti

აფხაზეთში ე.წ. არასასურველი უცხო ქვეყნის მოქალაქის ცნება გაჩნდება. ამის შესახებ აფხაზეთის დე ფაქტო მიგრაციის სამსახურის ხელმძღვანელმა საიდ წვინარიამ განაცხადა.

მისი თქმით, შესაბამისი ცვლილებები შევა კანონში „უცხო ქვეყნის მოქალაქეთა სამართლებრივი სტატუსის შესახებ“.

„იმ პირთა კატეგორიის მიმართ, რომლებიც მსჯავრდებულები არიან და სასჯელს იხდიან, იგეგმება ოფიციალური გადაწყვეტილების მიღება აფხაზეთში მათი ყოფნის არასასურველობის შესახებ, რაც რესპუბლიკაში შესვლის აკრძალვასაც ითვალისწინებს“.

მისივე თქმით, არსებობს პირთა კატეგორიაც, რომელთა მიმართ სასამართლოს ქვეყნის ფარგლებიდან ადმინისტრაციული გაძევების გადაწყვეტილება აქვს მიღებული.

„ყველა ეს პირი მონაცემთა ბაზაშია შეყვანილი. როდესაც ადამიანი საზღვარს კვეთს, პასპორტის სკანირებისას ჩვენი პროგრამული სისტემა სასამართლოს გადაწყვეტილების საფუძველზე გაძევების შესახებ შეტყობინებას აჩვენებს“, – აღნიშნა წვინარიამ.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.