"ოცნება" ასაკრძალი პარტიების სიას "ფედერალისტებსაც" ამატებს - Netgazeti
“ქართული ოცნება” პარტიების აკრძალვის საკონსტიტუციო სარჩელში მე-4 პარტიასაც ამატებს – “ფედერალისტებს”.
ამის შესახებ “ოცნების” ერთ-ერთმა ლიდერმა შალვა პაპუაშვილმა დღეს ჟურნალისტებს განუცხადა.
მისი თქმით, პარტია საკონსტიტუციო სასამართლოდან ძველ სარჩელს გამოითხოვს და შეიტანს ახალს, დაკორექტირებულ ვარიანტს, რომლითაც უკვე 4 პოლიტიკური გაერთიანების აკრძალვას მოითხოვს:
ლელოენმ“კოალიცია ცვლილებებისთვის”“ფედერალისტები”
პაპუაშვილის განმარტებით, სარჩელში “ფედრალისტების” დამატების საფუძველი არის ის, რომ ეს პარტია შეუერთდა ოპოზიციის ალიანსს და გაიზიარა მათი საერთო მიზნები “დემოკრატიის წინააღმდეგ”.
მისი თქმით, მართალია, ალიანსში არიან ისეთი პარტიებიც, რომლებიც ჯერ მათ სარჩელში არ ფიგურირებენ, თუმცა “ოცნება” უყურებს იმასაც, რამდენად “არსებითია მათი გავლენა პოლიტიკაზე”.
“ქართული ოცნების” შეფასებით, ოპოზიციის ალიანსის მთავრი ლიდერები არიან პატიმარი მიხეილ სააკაშვილი, ნიკა გვარამია და გიგა ბოკერია.
ნეტგაზეთი
წყარო: netgazeti.ge