სტატისტიკის ეროვნული სამსახური წინასწარი შეფასების შედეგებს აქვეყნებს. 2026 წლის ივნისში წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდა 8.6 პროცენტია, ხოლო პირველი ექვსი თვის საშუალო მაჩვენებელი 7.9 პროცენტი.

სტატისტიკის სამსახურის აღმასრულებელი დირექტორის განცხადებით 2026 წლის ივნისში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა ისეთმა დარგებმა, როგორიცაა დამამუშავებელი მრეწველობა, ტრანსპორტი და დასაწყობება, მშენებლობა, ინფორმაცია და კომუნიკაცია, საფინანსო და სადაზღვევო საქმიანობები.