ქუთაისის ტექნოლოგიურ ჰაბს, გახსნიდან ერთი თვის განმავლობაში, 11 000-მდე ვიზიტორი ეწვია. მათ შორის იყვნენ იმერეთის 15-ზე მეტი სკოლის მოსწავლეები და 10-მდე საზაფხულო ბანაკის მონაწილეები.

ტექნოლოგიური ჰაბი 100-ზე მეტმა უცხოელმა ვიზიტორმა დაათვალიერა.

ეკონომიკის სამინისტროში დღეს ერთი თვის სტატისტიკა შეაჯამეს და განაცხადეს, რომ ქუთაისის ტექნოლოგიური ჰაბი უკვე იქცა არა უბრალოდ ახალ ინფრასტრუქტურად, არამედ რეალური მიზიდულობის ცენტრად განათლების, მეცნიერებისა და ინოვაციებისთვის.