"ფედერალისტური პარტიის" თბილისის ორგანიზაციის თავმჯდომარე, თამარ ჩერგოლეიშვილის პოსტს ეხმაურება პარტია "ერთიანობა - ნაციონალური მოძრაობის" დროებითი მმართველობის საბჭოს წევრი, ლაშა ფარულავა.
ჩერგოლეიშვილმა სოციალურ ქსელში სტატუსი დაწერა და მიხეილ სააკაშვილს მანიპულატორი უწოდა.
როგორც ფარულავა ამბობს, ლანძღვა და ცილისწამება თამარ ჩერგოლეიშვილის სტილია.
"მიხეილ სააკაშვილი არავის არ ებრძვის, საუბრობს კონკრეტულ ფაქტებზე. მათი მხრიდან გვესმის ცილისწამება, რაც არის მათი ბუნებრივი მდგომარეობა. მეტი რა უნდა თქვას თამარ ჩერგოლეიშვილმა, გარდა იმისა, რომ შეუძლია ლანძღვა, ცილისწამება და ეს არის მისი სტილი," - აცხადებს ლაშა ფარულავა.
ჩერგოლეიშვილმა სოციალურ ქსელში სტატუსი დაწერა და მიხეილ სააკაშვილს მანიპულატორი უწოდა.
"შეეშვით ხალხო სააკაშვილთან და მის მფრინავ მაიმუნებთან თავის მართლებას და არგუმენტებით საუბარს, პირდაპირ ფერთხეთ.
ეგაა მის მავნებლურ ამოცანებში ხელის შეშლა და არა თავის მართლება და არგუმენტირებული მსჯელობა. ჩემი თუ არ გჯერათ, მანიპულატორ ნარცისზე დაგუგლეთ" - წერს თამარ ჩერგოლეიშვილი.
რუსთავი 2
წყარო: rustavi2.ge