"სავარაუდო სამართალდამრღვევებმა აღიარეს დანაშაული და მოინანიეს აღნიშნული ქმედებები" - სიძულვილის ენის წინააღმდეგ პროცესები გრძელდება

სიძულვილის ენის წინააღმდეგ პროცესები გრძელდება. თბილისის საქალაქო სასამართლომ 3 000 ლარით დააჯარიმა ზურაბ ჩიტაია, რომელიც საჯარო სივრცეში იყენებდა შეურაცხმყოფელ სიტყვებს. 4 000-ლარიანი ჯარიმა დაეკისრა ოთარ ჯოხაძეს კახა კალაძის მიმართ გამოყენებული სიძულვილის ენისთვის.

დღესვე, სასამართლომ განიხილა თორნიკე ძველაიას საქმე, რომელმაც შეურაცხყოფა მიაყენა სანდრო ლომინაშვილს, ასევე, სიმონ ხარატიშვილის საქმე, რომელმაც შეურაცხყოფა მიაყენა ინგა გრიგოლიას. გადაწყვეტილება 10 სექტემბერს გამოცხადდება.

"დღეს თბილისის საქალაქო სასამართლოში განიხილება ადმინისტრაციულ სამართალდარღვევის საქმეები. ამ დრომდე უკვე რამდენიმე საქმე განიხილა სასამართლომ. თითოეულ შემთხვევაში სამართალდარღვევის ოქმების შედგენილ იქნა ადმინისტრაციულ სამართალდარღვევათა კოდექსის 176-ე მუხლის პირველი ნაწილის საფუძველზე. სავარაუდო სამართალდარღვევებმა თავად აღიარეს დანაშაული და მოინანიეს აღნიშნული ქმედებები. რაც შეეხება საპროცესო ნაწილს, გადაიდო გამოცხადება და გამოცხადება შედეგები 10 სექტემბერს," - განაცხადა შსს-ს იურისტმა, სალომე ქირიამ.