"ამაზე საუბარი ჯერ ნაადრევია" - პაულა პინიო სომხეთის მოქალაქეებისთვის ევროკავშირთან უვიზო მიმოსვლის შესახებ
ევროკომისია მიიჩნევს, რომ სომხეთის მოქალაქეებისთვის ევროკავშირთან უვიზო მიმოსვლის ამოქმედების კონკრეტული თარიღის დასახელება ამ ეტაპზე ნაადრევია.
ბრიუსელში გამართულ ბრიფინგზე კომისიის სპიკერმა, პაულა პინიომ განმარტა, რომ სომხეთმა ამ მიმართულებით ევროკავშირის წინაშე აღებული ვალდებულებები უნდა შეასრულოს და შესაბამისი რეფორმები გაატაროს.
ჟურნალისტმა შეკითხვისას უვიზო რეჟიმის ამოქმედების შესაძლო თარიღად 2029 წელი დაასახელა - ვადა, რომლისთვისაც ოფიციალური ერევანი ამ მიმართულებით პროცესის დასრულებას აანონსებს.
"ამაზე საუბარი ჯერ ნაადრევია. რისი თქმაც შეგვიძლია, არის ის, რომ არსებობს მთელი რიგი მიმართულებები, რომლებზეც ვმსჯელობთ. როგორც კი ეს მიმართულებები სათანადოდ მომწიფდება, სომხეთთან დაახლოებისა და გაძლიერებული თანამშრომლობის პროცესში შემდეგ ეტაპზე გადავალთ", - განაცხადა ევროკომისიის სპიკერმა პაულა პანიომ.
ლუკა ჩლაიძე
რუსთავი 2
წყარო: rustavi2.ge