გივი მიქანაძემ შეხვედრა გამართა ახალგაზრდებთან, რომლებიც სამინისტროს სისტემაში ანაზღაურებად სტაჟირებას გაივლიან

საქართველოს განათლების, მეცნიერებისა და ახალგაზრდობის მინისტრმა გივი მიქანაძემ შეხვედრა გამართა ახალგაზრდებთან, რომლებიც 3 თვის განმავლობაში სამინისტროს სისტემაში ანაზღაურებად სტაჟირებას გაივლიან.

გივი მიქანაძემ სტაჟიორებს პროფესიულ საქმიანობაში წარმატება უსურვა და ახალგაზრდების კარიერული განვითარების კუთხით სტაჟირების პროგრამის მნიშვნელობაზე ისაუბრა.

შეხვედრა კითხვა-პასუხის რეჟიმში გაიმართა. მინისტრმა ახალგაზრდების მოსაზრებები მოისმინა და მათ შეკითხვებს უპასუხა.

საქართველოს პრემიერ-მინისტრის, ირაკლი კობახიძის გადაწყვეტილებით, 2026 წლის სექტემბრიდან გამოცხადდა ანაზღაურებადი სტაჟირების 3-თვიანი პროგრამა საჯარო დაწესებულებებში.

საქართველოს განათლების, მეცნიერებისა და ახალგაზრდობის სამინისტროს სტაჟიორთა შესარჩევი კონკურსის ფარგლებში, ჯამში, 94 ახალგაზრდა შეირჩა. 2025 წელს სამინისტროს სისტემაში სტაჟირების პროგრამის წარმატებით გავლის შემდეგ, 30-მდე ახალგაზრდა დასაქმდა.

მინისტრმა ასევე აღნიშნა, რომ სამომავლო პერსპექტივებში მათი ჩართულობითა და მიზანდასახულობით, შესაძლოა, არა მხოლოდ გაიხანგრძლივონ სტაჟი, არამედ საბოოლოდ შემოუერთდნენ მათ გუნდს.

"ვისაუბრეთ იმაზე, თუ რა პერსპექტივები და რა შესაძლებლობებია. რაც მთავარია, მაქსიმალურად მათზეა დამოკიდებული, მათი ჩართულობით, მათი შრომისმოყვარეობითა და მიზანდასახულობით, შეუძლიათ, ისევე როგორც სხვა სტაჟიორებმა, არა მარტო გაიხანგრძლივონ სტაჟი, არამედ საბოლოოდ შემოუერთდნენ იმ დიდ ოჯახს, რომელსაც განათლების, მეცნიერებისა და ახალგაზრდობის სამინისტრო ჰქვია", - განაცხადა გივი მიქანაძემ.