მთავარი
რუსთავი 2წყარო
  1. მთავარი
  2. რუსთავი 2

რუსთავი 2|rustavi2.ge

უკრაინის არმია ევროპაში წარმოადგენს ბუფერულ ზონას და ბარიერს პოტენციური რუსული აგრესიისთვის - ფინეთის პრეზიდენტის ეს განცხადება თბილისში პოლიტიკური შეფასებების თემაა.

"ქართული ოცნების" წევრთა შეფასებით, ომის მხარდამჭერი ქვეყნების ლიდერები უკვე ღიად აღიარებენ, რომ უკრაინა და უკრაინელები არიან ბუფერი რუსეთსა და ევროპას შორის და ეს ბედი ელოდა საქართველოსაც, რომ არა მმართველი პარტიის სწორი პოლიტიკა.

საკითხს გამოეხმაურა პარლამენტის კულტურის კომიტეტის თავმჯდომარე გიორგი გაბუნია, რომელმაც აღნიშნა, რომ აუცილებელია საზოგადოებამ გაიაზროს, რამდენად დიდი საფრთხე აიცილა საქართველოს ხელისუფლებამ, რომლის თავიდან არიდებაც უკრაინამ ვერ შეძლო.

"ფინეთის პრეზიდენტმა რაც განაცხადა, ეს არის დეკლარირება იმ რეალური პოლიტიკისა, რომელსაც დასავლეთი აწარმოებდა უკრაინაში ევროკავშირის წევრობისა და ნატოს წევრობის ძახილით.

უკრაინა ჩაითრიეს უმძიმეს პროვოკაციულ ომში. ჩვენ გვახსოვს მიზეზები, რომელთა გამოც დაიწყო ომი უკრაინაში; პირველი - უკრაინა უნდა გამხდარიყო ნატოს წევრი, უკრაინა უნდა გამხდარიყო ევროკავშირის წევრი და დღეს ჩვენ პრაქტიკულად ვხედავთ მოცემულობას, რომ თურმე უკრაინა ყოფილა ბუფერული სახელმწიფო, რომელმაც უნდა შეაკავოს დასავლეთის მთავარი სტრატეგიული მოწინააღმდეგე - არა რუსეთის ფედერაცია, არა ევროკავშირის მომავალი წევრი ან ნატოს მომავალი ქვეყანა, არამედ ბუფერული სახელმწიფო, რომელიც არის პრაქტიკულად გადაქცეული ხორცსაკეპ მანქანად, რომელმაც უნდა უზრუნველყოს დასავლეთის მშვიდობა ბოლო უკრაინელ ჯარისკაცამდე.

აი, ეს იყო რეალურად დასავლეთის პოლიტიკა და ჩვენც ვიყავით ამ სცენარის ნაწილი, აი, ეს არის მნიშვნელოვანი, რომ საზოგადოებამ კარგად გაიაზროს, რომ ჩვენც ვიყავით ამ სცენარის ნაწილი. ძალიან მნიშვნელოვანია ის განცხადებები, რომელიც კეთდება ახლა არა მარტო სტუბის მხრიდან, არამედ სხვა ევროპელი ბიუროკრატების მხრიდან, კარგად შეაფასოს და კარგად გაიაზროს საზოგადოებამ, რა საფრთხე ავიცილეთ ჩვენ, რომელიც ვერ აიცილა უკრაინამ და ჩვენ ავიცილეთ. აი, ეს არის ძალიან მნიშვნელოვანი, რომ საზოგადოებამ კარგად შეაფასოს", - აცხადებს გიორგი გაბუნია.

გაზიარება:

რუსთავი 2

წყარო: rustavi2.ge

ორიგინალი სტატია

მსგავსი სტატიები

არჩილ გორდულაძე: "ლელოსთვის" მნიშვნელობა არ აქვს რა მსჯავრი და ბრალი ექნება ალეკო ელისაშვილს, მათთვის ის მაინც პოლიტპატიმარია

არჩილ გორდულაძე: "ლელოსთვის" მნიშვნელობა არ აქვს რა მსჯავრი და ბრალი ექნება ალეკო ელისაშვილს, მათთვის ის მაინც პოლიტპატიმარია

რუსთავი 2

საქართველომ სასამართლოს გამჭვირვალობით ევროპაში უმაღლესი შეფასება მიიღო, სასამართლოს დამოუკიდებლობით კი ევროპის საუკეთესო ოცეულშია და ევროკავშირის საშუალო ქულაზე მაღალი შეფასება აქვს

საქართველომ სასამართლოს გამჭვირვალობით ევროპაში უმაღლესი შეფასება მიიღო, სასამართლოს დამოუკიდებლობით კი ევროპის საუკეთესო ოცეულშია და ევროკავშირის საშუალო ქულაზე მაღალი შეფასება აქვს

რუსთავი 2

"ლელოს" წევრმა გიორგი სიორიძემ ტერორისტული აქტის მცდელობისთვის მსჯავრდებულ ალეკო ელისაშვილს სასამართლო სხდომაზე პოლიტიკური პატიმარი უწოდა

"ლელოს" წევრმა გიორგი სიორიძემ ტერორისტული აქტის მცდელობისთვის მსჯავრდებულ ალეკო ელისაშვილს სასამართლო სხდომაზე პოლიტიკური პატიმარი უწოდა

რუსთავი 2

გიორგი ზაქარაშვილი: გაიმართება საქართველოს ვიცე-პრემიერის შეხვედრა ალი ასადოვთან საქართველო-აზერბაიჯანის სტრატეგიული თანამშრომლობის კიდევ უფრო გაღრმავების თაობაზე საუბრისთვის

გიორგი ზაქარაშვილი: გაიმართება საქართველოს ვიცე-პრემიერის შეხვედრა ალი ასადოვთან საქართველო-აზერბაიჯანის სტრატეგიული თანამშრომლობის კიდევ უფრო გაღრმავების თაობაზე საუბრისთვის

რუსთავი 2