მაკა ბოჭორიშვილმა საქართველოში საბერძნეთის რესპუბლიკის ახლად დანიშნულ ელჩთან სოტირია თეოჰარიდისთან გაცნობითი შეხვედრა გამართა
რუსთავი 2|rustavi2.ge
საქართველოს ვიცე-პრემიერმა, საგარეო საქმეთა მინისტრმა მაკა ბოჭორიშვილმა საქართველოში საბერძნეთის რესპუბლიკის ახლად დანიშნულ ელჩთან, სოტირია თეოჰარიდისთან გაცნობითი შეხვედრა გამართა.
შეხვედრის ფარგლებში მხარეებმა განიხილეს საქართველოსა და საბერძნეთს შორის თანამშრომლობის აქტუალური საკითხები და პერსპექტივები.
ხაზი გაესვა ორ ქვეყანას შორის ისტორიულ და ხალხთა შორის არსებულ კავშირებს, რაც მნიშვნელოვნად განსაზღვრავს ქვეყნებს შორის ურთიერთობების დღის წესრიგს.
საუბარი ასევე შეეხო საერთაშორისო ორგანიზაციების ფარგლებში თანამშრომლობას, ასევე ყურადღება გამახვილდა საქართველო-ევროკავშირის ურთიერთობებზე.
მაკა ბოჭორიშვილმა წარმატებები უსურვა ელჩს მომავალ საქმიანობაში.
გაზიარება:
რუსთავი 2
წყარო: rustavi2.ge