მერამდენედ ცდილობენ, წარმოაჩინონ, თითქოს რაღაც უთანხმოება არსებობს მათ შორის... ეს არის კოლექტიური "ნაცმოძრაობა" და სწორედ მისი გასამართლების პროცესს ვაკვირდებით ეს დღეები - შალვა პაპუაშვილი | Rustavi2
საქართველოს პარლამენტის თავმჯდომარის განცხადებით, კოლექტიური "ნაცმოძრაობა" გამიზნულად ცდილობს საზოგადოების მოტყუებას, თითქოს მათ შორის აზრთა სხვადასხვაობაა.
როგორც შალვა პაპუაშვილის შეფასებით, აღნიშნულ პარტიებს წარმოადგენენ ადამიანები, რომლებიც, წლების განმავლობაში, დანაშაულებრივი საქმიანობის მთავარი იდეოლოგები ან განმახორციელებლები იყვნენ.
"გუშინ იყო კოლექტიური "ნაცმოძრაობის" აქცია. ნურავინ თავს ნუ მოიტყუებს, თითქოს შიგნით რაღაც დაპირისპირება აქვთ. ალიანსში არიან სხვადასხვანაირად. როდესაც სააკაშვილს ვითომ თავს ესხმიან ადამიანები, რომლებიც მისი ხელისუფლების და მისი დანაშაულებრივი საქმიანობის მთავარი იდეოლოგები და განმახორციელებლები იყვნენ: ბოკერია, გვარამია და სხვები, ისინი იყვნენ, ვინც ამ დიქტატურის იდეოლოგები და განმახორციელებლები და დღეს ეს უბრალოდ თამაშია, რასაც ვუყურებთ. ამ თამაშს 14 წელია ვაკვირდებით - ვითომ იშლებიან, შემდეგ ისევ იკრიბებიან, ერთმანეთს ლანძღავენ, შემდეგ ეპატიჟებიან თავიანთ პარტიაში ხელმძღვანელ თანამდებობებზე. მერამდენედ უნდა შევხედოთ ამ ყველაფერს? ცდილობენ, წარმოაჩინონ, ვითომ არსებობს რაღაც უთანხმოება მათ შორის, ეს არის კოლექტიური "ნაცმოძრაობა" და სწორედ კოლექტიური "ნაცმოძრაობის" გასამართლების პროცესს ვაკვირდებით ჩვენ ეს დღეები", - აცხადებს შალვა პაპუაშვილი.
რუსთავი 2
წყარო: rustavi2.ge