გლდანის ციხე იყო ამქვეყნიური ჯოჯოხეთი, რაც იქ ხდებოდა, არცერთ მძაფრსიუჟეტიან ფილმში არ არის ასახული - ეს ყველაფერი "ნაციონალური მოძრაობის" ოფისში იგეგმებოდა - ყოფილი პოლიტპატიმარი, რატი მაისურაძე

ყოფილი პოლიტპატიმარი რატი მაისურაძე, "დებატების" ეთერში, "ნაციონალური მოძრაობის" ხელისუფლებაში ყოფნის პერიოდს და გლდანის ციხეში არსებულ პერიოდს იხსენებს.

"რუსთავი 2-ის" ეთერში, ყოფილი პოლიტპატიმარი წამებისა და არაადამიანური მოპყრობის დეტალებს ჰყვება.

"როდესაც მიგვიყვანეს გლდანში, გლდანის ციხე მე გაგონილი მქონდა უბრალოდ, და როდესაც ვნახე პირადად, ეს იყო ამქვეყნიური ჯოჯოხეთი. იქ რაც ხდებოდა და როგორ პირობებშიც ჰყავდათ პატიმრები, ალბათ, არცერთ მძაფრსიუჟეტიან ფილმში არ არის მსგავსი რამ მოყვანილი.

მიბმული ჯაჭვებით, გისოსებზე, პატიმრები, თავზე კასკა ეფარათ, რომ თავი არ მოეკლათ, ძირს წყალი, სისველე, 40 კაცი იყო 14 კვადრატულ ოთახში, 6-კაციან საკანში 40-42 კაცი იყო კარანტინის ოთახებში. ოფლის წვიმა ჩამოდიოდა - იმდენი ხალხი რომ სუნთქავდა ოფლის და ნესტისგან წვიმა მოდიოდა, ჭერი იყო სულ სველი... ჭამაზე ლაპარაკი ზედმეტია, ან ვინ შეჭამდა იქ, ყოველ 15 წუთში ან შეჰყავდათ, ან გაჰყავდათ საკნიდან ადამიანი, რომელსაც აწამებდნენ, ან ფრჩხილებს აცლიდნენ.... საშინელებები ხდებოდა და დასაჯდომი ადგილიც არ იყო ელემენტარულად, ყველა იდგა ფეხზე.

აი, ამ ყველაფერს, სამწუხაროდ, უამრავი ჩემი მეგობარი, უამრავი იქ მყოფი ადამიანი შეეწირა. ზოგი დაინვალიდდა, ზოგი დღეს ცოცხალი აღარ არის. ეს ყველაფერი იგეგმებოდა "ნაციონალური მოძრაობის" ოფისში - ხომ კარგად ვიცით, რომ ყველა მაღალჩინოსანი ამ თემაში იყო ჩართული, შემდეგ იღებდნენ ამ ადამიანის წამებას, კარანტინის დაშლას, ცემას ვიდეოკამერით და უყურებდნენ შემდეგ ამ ყველაფერს", - აცხადებს რატი მაისურაძე.