მთავარი
რუსთავი 2წყარო
  1. მთავარი
  2. რუსთავი 2

რუსთავი 2|rustavi2.ge

საკონსტიტუციო სარჩელის განხილვასთან დაკავშირებით პარლამენტის თავმჯდომარე, შალვა პაპუაშვილი სოციალურ ქსელში კადრებს აქვეყნებს, სადაც პარტია "ლელო - ძლიერი საქართველოს" პოლიტიკური საბჭოს წევრის, თორნიკე ართქმელაძისა და პარტიის თავმჯდომარის, მამუკა ხაზარაძის ურთიერთგამომრიცხავი განცხადებებია ასახული, ხაზარაძის წინასაარჩევნო დაპირებას მისივე პარტიის წევრი საკონსტიტუციო სარჩელის განხილვისას სასამართლო პროცესზე სრულად უარყოფს.

როგორც პაპუაშვილი აღნიშნავს, "საზოგადოება თავის თვალით ხედავს საკუთარი სამშობლოს წინაშე დამნაშავეების სასოწარკვეთილ თავის მართლებას".

მისივე თქმით, აღნიშნული კადრები გაკვეთილად უნდა დარჩეს, რათა ყველამ გაიაზროს, თუ რას ნიშნავს უცხოს მარიონეტად და სასარგებლო იდიოტად ქცევა.

"ერთ ვიდეოში მოცემული ვერდიქტი, რომელიც ყველაფერზე მეტყველებს.

სხვას რას უნდა მოველოდეთ თაღლითების პარტიისგან, გარდა იმისა, რომ რაც საარჩევნო პროგრამაში ეწერათ, შეიცხადონ, როდის გვითქვამსო?

მინდა აქვე გავიხსენო ეპიზოდი ჩვენი უახლოესი ისტორიიდან. 2022 წელს, უკრაინაში ომის დაწყებიდან მხოლოდ რამდენიმე დღეა გასული. პარლამენტის წინ რადიკალური ოპოზიცია მიტინგებს მართავს და უკრაინაში მებრძოლების გაგზავნას და რუსეთისთვის სანქციების დაწესებას ითხოვს. ეს სწორედ ის მიტინგებია, ნინო ლომჯარიამ სანქციების არდაწესებით გამოწვეული სირცხვილით წვას, ბომბების ცეცხლით წვა რომ ამჯობინა.

"ლელოს" მაშინდელმა საპარლამენტო შემადგენლობამ ჩემთან შეხვედრა ითხოვა. ახლაც მახსოვს, როგორ ვუყურებდი მაგიდის გადასწვრივ მსხდომ "ლელოს" პარლამენტიორებს, რომლებიც რუსთაველიდან შემოსულ შეძახილებზე მითითებით, მომიწოდებდნენ, მოთხოვნები გაგვეთვალისწინებინა - უკრაინაში საბრძოლველად მოხალისეები გაგვეგზავნა და რუსეთისთვის სანქციები დაგვეწესებინა. ვუყურებდი საქართველოს ზრდასრულ მოქალაქეებს, რომლებიც ქვეყნის ომში ჩართვას ითხოვდნენ.

მათი ეს მოთხოვნა იმავე დღეებში, სხვადასხვა უცხოელი ემისრის დაჟინებულ რჩევებს და მოთხოვნებს რატომღაც საეჭვოდ ემთხვეოდა.

პრეზიდენტი ტრამპი ხშირად იმეორებს, რომ 2022 წელს პრეზიდენტი რომ ყოფილიყო, უკრაინაში ომი არ იქნებოდა. ჩვენი გამოცდილებაც, გარკვეულწილად, ამ სიტყვებს ადასტურებს. 2022 წელს ხელისუფლებაში "ქართული ოცნების" ნაცვლად უცხო ძალების სამსახურში მყოფი ეს ჯგუფი რომ ყოფილიყო, საქართველოში ომი აუცილებლად იქნებოდა.

"ბათუმის პროცესი" მართლაც იქცა ქართულ "ნიურნბერგის პროცესად". მთელი საზოგადოება თავისი თვალით ხედავს საკუთარი სამშობლოს წინაშე დამნაშავეების სასოწარკვეთილ თავის მართლებას. ეს კადრები გაკვეთილად უნდა დარჩეს, რათა ყველამ გაიაზროს, რას ნიშნავს უცხოს მარიონეტად და სასარგებლო იდიოტად ქცევა", - წერს შალვა პაპუაშვილი სოციალურ ქსელში და ვიდეოებს აქვეყნებს.

გაზიარება:

რუსთავი 2

წყარო: rustavi2.ge

ორიგინალი სტატია

მსგავსი სტატიები

არჩილ გორდულაძე: "ლელოსთვის" მნიშვნელობა არ აქვს რა მსჯავრი და ბრალი ექნება ალეკო ელისაშვილს, მათთვის ის მაინც პოლიტპატიმარია

არჩილ გორდულაძე: "ლელოსთვის" მნიშვნელობა არ აქვს რა მსჯავრი და ბრალი ექნება ალეკო ელისაშვილს, მათთვის ის მაინც პოლიტპატიმარია

რუსთავი 2

საქართველომ სასამართლოს გამჭვირვალობით ევროპაში უმაღლესი შეფასება მიიღო, სასამართლოს დამოუკიდებლობით კი ევროპის საუკეთესო ოცეულშია და ევროკავშირის საშუალო ქულაზე მაღალი შეფასება აქვს

საქართველომ სასამართლოს გამჭვირვალობით ევროპაში უმაღლესი შეფასება მიიღო, სასამართლოს დამოუკიდებლობით კი ევროპის საუკეთესო ოცეულშია და ევროკავშირის საშუალო ქულაზე მაღალი შეფასება აქვს

რუსთავი 2

"ლელოს" წევრმა გიორგი სიორიძემ ტერორისტული აქტის მცდელობისთვის მსჯავრდებულ ალეკო ელისაშვილს სასამართლო სხდომაზე პოლიტიკური პატიმარი უწოდა

"ლელოს" წევრმა გიორგი სიორიძემ ტერორისტული აქტის მცდელობისთვის მსჯავრდებულ ალეკო ელისაშვილს სასამართლო სხდომაზე პოლიტიკური პატიმარი უწოდა

რუსთავი 2

გიორგი ზაქარაშვილი: გაიმართება საქართველოს ვიცე-პრემიერის შეხვედრა ალი ასადოვთან საქართველო-აზერბაიჯანის სტრატეგიული თანამშრომლობის კიდევ უფრო გაღრმავების თაობაზე საუბრისთვის

გიორგი ზაქარაშვილი: გაიმართება საქართველოს ვიცე-პრემიერის შეხვედრა ალი ასადოვთან საქართველო-აზერბაიჯანის სტრატეგიული თანამშრომლობის კიდევ უფრო გაღრმავების თაობაზე საუბრისთვის

რუსთავი 2