კულტურის სამინისტროსა და შემოქმედებითი საქართველოს ხელშეწყობით, საქართველოს ჟურნალისტთა ფედერაციის ინიციატივით ეროვნულ ბიბლიოთეკაში 17 ნოემბერს 17:00 საათზე ქართული ფოტოხელოვნების, ყველასათვის კარგად ნაცნობი წარმომადგენლების ფოტოალბომების პრეზენტაცია და დაჯილდოების ცერემონია გაიმართება.
ფოტოალბომებში გაერთიანებულია იმ ფოტოხელოვანთა შემოქმედება, რომელთა სახელები ქართული ფოტოხელოვნების ისტორიაში განსაკუთრებულ ადგილს იკავებს. გამოცემები მკითხველს გააცნობს გივი შეყილაძის, გოგი გიორგობიანის, შახვალად აივაზოვის, იური მეჩითოვის, სპარტაკ ჯანიაშვილის, ვანო შლამოვის, თამაზ ბიბილურის, ვარლამ გენგიურის, რამაზ ნაცვლიშვილის, რუბენ რუხკიანისა და მიხეილ კვირიკაშვილის ფოტოგრაფიულ მემკვიდრეობას.
ღონისძიების ადგილი: საქართველოს ეროვნული ბიბლიოთეკის მესამე კორპუსი, ლადო გუდიაშვილის ქუჩა №4.
რუსთავი 2
წყარო: rustavi2.ge