მთავარი
რუსთავი 2წყარო
  1. მთავარი
  2. რუსთავი 2

რუსთავი 2|rustavi2.ge

აჭარის მთავრობის თავმჯდომარემ ზურაბ პატარაძემ აჭარის კულტურის მინისტრთან ელისო ბოლქვაძესთან ერთად საერთაშორისო კულტურულ პროექტებში მონაწილე ხელოვანებთან შეხვედრა გამართა.

შეხვედრაზე შეაჯამეს აჭარის სახელმწიფო ვოკალური ანსამბლის „ბათუმის“ 35 წლის საიუბილეო ტურნე გერმანიაში, ბათუმის სახელმწიფო მუსიკალური ცენტრის კაპელას სოლო კონცერტი ვატიკანში და ქართველი მხატვრების მონაწილეობა პარიზში, ლუვრის კარუსელში გამართულ საერთაშორისო გამოფენებში.

ზურაბ პატარაძემ ხელოვანებს ქართული კულტურის საერთაშორისო ასპარეზზე წარმოჩენისთვის მადლობა გადაუხადა. მისი განცხადებით, აჭარის მთავრობა გააგრძელებს კულტურის სამინისტროს ინიციატივების მხარდაჭერას, რომლებიც ეროვნული იდენტობის განმტკიცებას, კულტურული დიპლომატიის გაღრმავებასა და კულტურული ტურიზმის განვითარებას ემსახურება.

ყურადღება გამახვილდა გონიოს ფესტივალზე, პეტრას ციხის ისტორიის გაცოცხლებასა და "შავი ზღვის მუსიკისა და ხელოვნების საერთაშორისო ფესტივალზე", რომელიც იუნესკოს პატრონაჟით იმართება. მთავრობის თავმჯდომარემ აღნიშნა, რომ მაღალი დონის კულტურული ღონისძიებები ზრდის რეგიონის ცნობადობას და მას ვიზიტორებისთვის კიდევ უფრო მიმზიდველს ხდის.

ზურაბ პატარაძემ ბათუმის ნიკოლოზ კანდელაკის სახელობის სამხატვრო სკოლას დაარსებიდან 90 წლის იუბილე მიულოცა და ხაზი გაუსვა მის როლს სახვითი ხელოვნების განვითარებასა და ახალგაზრდა თაობის შემოქმედებითი პოტენციალის წარმოჩენაში.

შეხვედრაზე აჭარის კულტურის მინისტრმა ელისო ბოლქვაძემ მთავრობის თავმჯდომარეს სამინისტროს ინიციატივებისა და პროექტების განხორციელებისას გაწეული მნიშვნელოვანი მხარდაჭერისთვის მადლობა გადაუხადა. მან ხაზი გაუსვა თითოეული ხელოვანის წვლილს ქართული კულტურის დაცვაში, განვითარებასა და პოპულარიზაციაში. თავის მხრივ, ხელოვანებმა აღნიშნეს, რომ სამინისტროს ინიციატივები ხელს უწყობს მათ პროფესიულ ზრდას, ეკონომიკური შესაძლებლობების შექმნასა და შემოქმედებითი საქმიანობის გააქტიურებას.

მთავრობის თავმჯდომარემ მუსიკალური ცენტრის მუზეუმიც დაათვალიერა, სადაც მოწყობილი ეთნოგრაფიული კუთხეები აჭარის ტრადიციულ ყოფას, კულტურულ მემკვიდრეობასა და მრავალფეროვნებას წარმოაჩენს.

შეხვედრას აჭარის მთავრობის ადმინისტრაციისა და კულტურის სამინისტროს წარმომადგენლები, კულტურის დაწესებულებებისა და შემოქმედებითი კოლექტივების ხელმძღვანელები, მუსიკოსები და მხატვრები ესწრებოდნენ.

გაზიარება:

რუსთავი 2

წყარო: rustavi2.ge

ორიგინალი სტატია

მსგავსი სტატიები

არჩილ გორდულაძე: "ლელოსთვის" მნიშვნელობა არ აქვს რა მსჯავრი და ბრალი ექნება ალეკო ელისაშვილს, მათთვის ის მაინც პოლიტპატიმარია

არჩილ გორდულაძე: "ლელოსთვის" მნიშვნელობა არ აქვს რა მსჯავრი და ბრალი ექნება ალეკო ელისაშვილს, მათთვის ის მაინც პოლიტპატიმარია

რუსთავი 2

საქართველომ სასამართლოს გამჭვირვალობით ევროპაში უმაღლესი შეფასება მიიღო, სასამართლოს დამოუკიდებლობით კი ევროპის საუკეთესო ოცეულშია და ევროკავშირის საშუალო ქულაზე მაღალი შეფასება აქვს

საქართველომ სასამართლოს გამჭვირვალობით ევროპაში უმაღლესი შეფასება მიიღო, სასამართლოს დამოუკიდებლობით კი ევროპის საუკეთესო ოცეულშია და ევროკავშირის საშუალო ქულაზე მაღალი შეფასება აქვს

რუსთავი 2

"ლელოს" წევრმა გიორგი სიორიძემ ტერორისტული აქტის მცდელობისთვის მსჯავრდებულ ალეკო ელისაშვილს სასამართლო სხდომაზე პოლიტიკური პატიმარი უწოდა

"ლელოს" წევრმა გიორგი სიორიძემ ტერორისტული აქტის მცდელობისთვის მსჯავრდებულ ალეკო ელისაშვილს სასამართლო სხდომაზე პოლიტიკური პატიმარი უწოდა

რუსთავი 2

გიორგი ზაქარაშვილი: გაიმართება საქართველოს ვიცე-პრემიერის შეხვედრა ალი ასადოვთან საქართველო-აზერბაიჯანის სტრატეგიული თანამშრომლობის კიდევ უფრო გაღრმავების თაობაზე საუბრისთვის

გიორგი ზაქარაშვილი: გაიმართება საქართველოს ვიცე-პრემიერის შეხვედრა ალი ასადოვთან საქართველო-აზერბაიჯანის სტრატეგიული თანამშრომლობის კიდევ უფრო გაღრმავების თაობაზე საუბრისთვის

რუსთავი 2