საგანგებო ვითარება სანქტ-პეტერბურგიდან თბილისის მიმართულებით მომავალ თვითმფრინავზე - Flightradar24-ის მონაცემებით, ავიაკომპანია Azimuth-ის რეისმა A47017 ფრენის დროს საგანგებო კოდი გაააქტიურა. შემთხვევა გვიან ღამით მოხდა.
რეისი სანქტ-პეტერბურგიდან დაახლოებით ორსაათნახევრიანი დაგვიანებით აფრინდა. ფრენის დროს ბორტზე გააქტიურდა სპეციალური ტრანსპონდერული კოდი, რომელიც ავიაციაში საგანგებო ვითარების შესახებ სიგნალს ნიშნავს.
ამ ეტაპზე უცნობია, კონკრეტულად რამ გამოიწვია ეკიპაჟის მიერ საგანგებო კოდის გააქტიურება - ტექნიკური გაუმართაობა, მგზავრის ჯანმრთელობის მდგომარეობა თუ სხვა გარემოება.
არსებული მონაცემებით, აღნიშნული ტიპის თვითმფრინავი 103-მდე მგზავრს იტევს. დამატებითი ინფორმაცია ბორტზე არსებული ვითარების შესახებ ჯერჯერობით არ გავრცელებულა.
ტვ პირველი
წყარო: tvpirveli.ge