1 წელში საქართველოდან არალეგალურად მყოფი 2 154 უცხოელი გააძევეს - მთავრობის ანგარიში

2025 წლის 1 ივნისიდან 2026 წლის მაისის ჩათვლით, საქართველოდან გაძევებულია არალეგალურადმყოფი 2 154 უცხოელი. ამის შესახებ სამთავრობო პროგრამის შესრულებაზე მოხსენებაშია აღნიშნული.

ანგარიშის თანახმად, შინაგან საქმეთა სამინისტრომ განაგრძო აქტიური მუშაობა მიგრაციული ნაკადების მართვის მიმართულებით.

"საქართველოდან გაძევებული არალეგალურად მყოფი უცხოელების რაოდენობამ შეადგინა 2 154 პირი. აგრეთვე აღსანიშნავია, რომ ამავე პერიოდში გატარდა სპეციალური საიმიგრაციო კონტროლის 92 ღონისძიება, რომლის ფარგლებშიც, გადამოწმდა 9 000-ზე მეტი პირი",- წერია ანგარიშში.