2 ივნისის ღონისძიებების ანონსი

2 ივნისის ღონისძიებების ანონსი შემდეგია:

11:30 საათზე, თბილისის საქალაქო სასამართლოში ელისო კილაძის სასამართლო პროცესი გაიმართება.

12:00 საათზე, თბილისის საქალაქო სასამართლოში გიგა ავალიანის საქმეზე მსჯავრდებული ორი არასრულწლოვნის სასჯელის დანიშვნის სხდომა გაიმართება.

12:00 საათზე, დიასპორის, ევროპასთან ინტეგრაციისა და კულტურის კომიტეტების ერთობლივი სხდომა გაიმართება.

დღის წესრიგი: 1. საქართველოს მთავრობის მიერ წარმოდგენილი „საქართველოს 2025 წლის სახელმწიფო ბიუჯეტის შესრულების წლიური ანგარიში“ (1-5150/26; 29.05.2026) და სახელმწიფო აუდიტის სამსახურის მიერ წარმოდგენილი სახელმწიფო აუდიტის სამსახურის მოხსენება „2025 წლის სახელმწიფო ბიუჯეტის შესრულების წლიური ანგარიშის შესახებ“ მთავრობის ანგარიშზე (1-5150/26; 29.05.2026); მომხსენებელი: საქართველოს ფინანსთა მინისტრის პირველი მოადგილე - გიორგი კაკაურიძე;

2. საქართველოს მთავრობის მიერ წარმოდგენილი ინფორმაცია ძირითადი მაკროეკონომიკური პროგნოზებისა და საქართველოს სამინისტროების ძირითადი მიმართულებების შესახებ (1-5152/26; 29.05.2025); მომხსენებელი: საქართველოს ფინანსთა მინისტრის პირველი მოადგილე - გიორგი კაკაურიძე.

13:30 საათზე, რეგიონული პოლიტიკისა და თვითმმართველობის კომიტეტის სხდომა გაიმართება.

დღის წესრიგი: 1. საქართველოს მთავრობის მიერ შეერთებისთვის წარმოდგენილი „2015 წლის „ზეთისხილის ზეთისა და სუფრის ზეთისხილის შესახებ“ საერთაშორისო შეთანხმების 36-ე მუხლის ცვლილების თაობაზე“ ზეთისხილის საერთაშორისო საბჭოს წევრთა საბჭოს 2024 წლის 25 ივნისის NDEC-I 1/119- VI/2024 გადაწყვეტილება“ (327/6-XIმპ, 22.05.2026); (პასუხისმგებელი პირები კომიტეტიდან: ი. ქველაძე, თ. თიკანაშვილი); მომხსენებელი: ზურაბ ეზუგბაია - საქართველოს გარემოს დაცვისა და სოფლის მეურნეობის მინისტრის მოადგილე.