2026 წელს უკრაინის სახელმწიფო ბიუჯეტს ომის ერთი დღე $190 მილიონი დაუჯდა
2026 წელს უკრაინის სახელმწიფო ბიუჯეტს ომის ერთი დღე $190 მილიონი დაუჯდა. უმაღლესი რადას საბიუჯეტო კომიტეტის თავმჯდომარის, როქსოლანა პიდლასას თქმით, ხარჯების ზრდის მთავარი მიზეზი შეიარაღებული ძალების მასშტაბის გაფართოება გახდა. როგორც ირკვევა, სამხედრო მოსამსახურეთა რაოდენობის მატებასთან ერთად, სახელმწიფოს მხრიდან უზრუნველყოფილი ჯარისკაცებისა და მათი ოჯახების დაფინანსებაც მკვეთრად გაიზარდა.
სიტყვით გამოსვლისას პიდლასამ აღნიშნა, რომ ბოლო თვეებში თავდაცვის ძალებში დამატებითი შეიარაღების საჭიროება მკაფიოდ გამოიკვეთა. მისი განმარტებით, ქვეყანას რუსეთის ნავთობგადასამუშავებელი ქარხნების დასაზიანებლად საშუალო და შორი მოქმედების რადიუსის შეიარაღება განსაკუთრებით ესაჭიროება.
აღსანიშნავი, რომ ბოლო 8 თვის განმავლობაში ეროვნული უსაფრთხოებისა და თავდაცვის ხარჯებმა, მოკავშირეთა სამხედრო დახმარების გარეშე, თითქმის $42 მილიარდი შეადგინა.
ცნობისთვის, სექტემბრის დასაწყისში უკრაინის პრემიერ-მინისტრმა სერგეი კორეცკიმ არასამხედრო მიმართულებებზე მკაცრი ეკონომიის რეჟიმი გამოაცხადა. მთავრობის გადაწყვეტილებით, სახელმწიფო სახსრების მაქსიმალური მობილიზება სწორედ უსაფრთხოების სექტორის დასაფინანსებლად განხორციელდება.
BM.GE
წყარო: bm.ge