2029 წელს 20-წლამდელთა მსოფლიო ჩემპიონატი, სომხეთთან ერთად, საქართველოშიც ჩატარდება - კობახიძე

"ოცნების" პრემიერ-მინისტრ ირაკლი კობახიძის განცხადებით, 2029 წელს საქართველო 20-წლამდელებს შორის ფეხბურთის მსოფლიო ჩემპიონატს უმასპინძლებს. ამის შესახებ კობახიძემ მთავრობის დღევანდელ სხდომაზე განაცხადა.

მისი თქმით, საქართველო ყველანაირად მზად არის ამ ტურნირის "უმაღლეს დონეზე" მასპინძლობისთვის.

"2029 წელს, სომხეთთან ერთად, საქართველო უმასპინძლებს ფეხბურთის მსოფლიო ჩემპიონატს 20-წლამდელებს შორის, რაც ძალიან პრესტიჟული ტურნირია. საქართველო ყველანაირად მზად არის ამ ტურნირის უმაღლეს დონეზე მასპინძლობისთვის", - განაცხადა ირაკლი კობახიძემ.