23 მაისს, ჩვენთან შესრულებული ყველა ტრანზაქციიდან ₾1 დიუშენის დისტროფიის მქონე ბავშვების ფონდში გადაირიცხება - სულაკაურის გამომცემლობა
"სულაკაურის გამომცემლობის" განცხადებით, 23 მაისს, მათ მაღაზიებში შესრულებული თითოეული ტრანზაქციიდან 1 ლარი დიუშენის დისტროფიის მქონე ბავშვების მხარდასაჭერად ფონდში გადაირიცხება.
კომპანიაში იმედოვნებენ, რომ 1 ლარის გამოწვევას სხვა ბიზნესებიც შეუერთდებიან.
"დიუშენის დისტროფიის მქონე ბავშვების მხარდასაჭერად ხვალ, 23 მაისს, ჩვენს მაღაზიებში შესრულებული თითოეული ტრანზაქციიდან 1 ლარი მათ ფონდში გადაირიცხება. იმედი გვაქვს, სიმბოლური 1 ლარის გამოწვევას სხვა ბიზნესის წარმომადგენლებიც შეუერთდებიან.
წამალი ბავშვებს!", - აღნიშნავენ "სულაკაურის გამომცემლობაში".
შეგახსენებთ, რომ “დაიცავი ილიაუნი” ლაივ სტრიმის მეშვეობით აგროვებს თანხას დიუშენის კუნთოვანი დისტროფიის მქონე ბავშვების ყოველდღიური საჭიროებებისთვის (სასუნთქი აპარატები, მედიკამენტები, ეტლები, მასაჟები…). ამ დროისთვის 372 000 ლარი უკვე შეგროვდა.
BM.GE
წყარო: bm.ge