3 თვეში, საქართველოში სათამაშო ბანქოს იმპორტი $0.5 მლნ-მდე გაიზარდა - სად ვყიდულობთ პროდუქტს?

საქართველომ 2026 წლის პირველ კვარტალში სათამაშო ბანქოს იმპორტში 0.5 მილიონ დოლარზე მეტი დახარჯა. ამის შესახებ საქსტატის მონაცემებიდან ირკვევა.

უფრო კონკრეტულად, 2026 წლის იანვარ – მარტში საქართველოში 55 ტონა სათამაშო ბანქოს იმპორტის ღირებულება $527 600 იყო. შედარებისთვის, გასული წლის ანალოგიურ პერიოდში იმპორტის მოცულობა $339 ათასი და 58 ტონა იყო.

შედარებითი მონაცემებით, იმპორტი ღირებულებაში 55.6%-ით გაიზარდა, თუმცა მოცულობაში 5.1%-ით შემცირდა, რაც იმას ნიშნავს, რომ საქართველოს სათამაშო ბანქოს იმპორტი გაუძვირდა.

საქსტატის მიხედვით, 2026 წლის პირველ კვარტალში, ქვეყანამ კილოგრამ სათამაშო ბანქოში საშუალოდ 9.5 დოლარი გადაიხადა.

წელს, 3 თვეში საქართველოსთვის მთავარი იმპორტიორი ქვეყნები ასეთია:

• პოლონეთი - $186 400, 10 800 კგ; • ესპანეთი - $147 000, 6 100 კგ; • ნიდერლანდები - $91 000, 11 200 კგ; • ჩინეთი - $61 500, 23 700 კგ; • გერმანია - $31 400, 3 ტონა.