7 თვეში 76 655 კოლოფი სიგარეტის უკანონო შენახვა-რეალიზაციის 326 ფაქტი გამოვლინდა - შემოსავლების სამსახური
მიმდინარე წლის 7 თვის მონაცემებით, ქვეყნის მასშტაბით 76 655 კოლოფი სიგარეტის უკანონო შენახვა-რეალიზაციის 326 ფაქტი გამოვლინდა - ინფორმაციას შემოსავლების სამსახური ავრცელებს.
"საქართველოს ადმინისტრაციულ სამართალდარღვევათა კოდექსის 192-ე მუხლის მე-5 ნაწილის შესაბამისად, კანონდამრღვევ მოქალაქეებს ჩამოერთვათ უაქციზო საქონელი. 176 ფაქტზე, სამართალდამრღვევი პირების მიმართ საქართველოს ადმინისტრაციულ სამართალდარღვევათა კოდექსის 1552 მუხლის შესაბამისად, შედგა ადმინისტრაციული სამართალდარღვევის ოქმები და საქმის მასალები ქვემდებარეობის მიხედვით სასამართლოს გადაეგზავნა.
9 ფაქტზე საქართველოს საგადასახადო კოდექსის 271-ე მუხლის მე-7 ნაწილის შესაბამისად, საქმის მასალები საქართველოს ფინანსთა სამინისტროს საგამოძიებო სამსახურს გადაეგზავნა, ხოლო დანარჩენი 141 ფაქტი ჩაითვალა არაიდენტიფიცირებულ შემთხვევად და შედგა ამოღების ოქმები", - წერია შემოსავლების სამსახურის გარვცელებულ ინფორმაციაში.
BM.GE
წყარო: bm.ge