8 თვეში მთავრობამ ₾15.4 მილიარდის გადასახადები აკრიფა | ანგარიში

ფინანსთა სამინისტროს ხაზინამ 2026 წლის 8 თვის ბიუჯეტის შესრულების ოპერატიული ანგარიში გამოაქვეყნა, რომლის თანახმადაც იანვარ-აგვისტოში განმავლობაში ბიუჯეტში 15.4 მილიარდი ლარის გადასახადები შევიდა, რაც 9 თვის გეგმის 90.5%-ია. კონკრეტული გადასახადების მიხედვით, შესრულება უფრო მაღალია მოგების გადასახადში - 97.8%, ხოლო დაბალი დამატებული ღირებულების გადასახადის მიმართულებით 90.1%.

კონკრეტული გადასახადების მიხედვით შესრულება ასე ნაწილდება:

გადასახადი შესრულება იანვარ-აგვისტოში 9 თვის გეგმასთან მიმართებით % დამატებული ღირებულების გადასახადი ₾5,749,276,000 90.10% საშემოსავლო გადასახადი ₾5,553,927,000 91.20% მოგების გადასახადი ₾2,381,642,000 97.80% აქციზი ₾1,766,226,200 90.10% იმპორტის გადასახადი ₾108,855,400 97.20%

რაც შეეხება ბიუჯეტის შემოსავლების სხვა წყაროებს, მათ შორის პირველ ადგილზეა დივიდენდები, რაც ძირითადად ეროვნული ბანკის დივიდენდს მოიცავს 571 მილიონი ლარის ოდენობით (გეგმის 127%), კომერციულ ბანკებში მთავრობის დეპოზიტებზე დარიცხულმა პროცენტმა კი 221 მილიონი ლარი შეადგინა (გეგმის 109%). პრივატიზაციის შემოსავალი 117 მილიონ ლარს შეადგენდა (გეგმის 82%).

ვალდებულებების მოზიდვით კი მთავრობამ 3.07 მილიარდი ლარი მიიღო (გეგმის 85%); საიდანაც ადგილობრივი ფასიანი ქაღალდების (სახაზინო ვალდებულებების და სახაზინო ობლიგაციების) გამოშვებით მიღებული თანხა 1.26 მილიარდ ლარს შეადგენდა (გეგმის 91.%); ხოლო საგარეო ვალდებულებების მოზიდვით მიღებული თანხა 1.8 მილიარდი ლარი იყო (გეგმის 81.5%).