მთავარი
BM.GEწყარო
  1. მთავარი
  2. BM.GE
  3. კრედო ბანკსა და ADB-ს შორის ₾120მლნ-ს მოცულობის ხელშეკრულება გაფორმდა
კრედო ბანკსა და ADB-ს შორის ₾120მლნ-ს მოცულობის ხელშეკრულება გაფორმდა

კრედო ბანკსა და ADB-ს შორის ₾120მლნ-ს მოცულობის ხელშეკრულება გაფორმდა

BM.GE5 ოქტომბერი, 2026, 14:54|bm.ge

აზიის განვითარების ბანკმა (ADB) სს „კრედო ბანკთან“ ხელი მოაწერა 120 მილიონი ლარის სასესხო ხელშეკრულებას, რომლის მიზანია მიკრო, მცირე და საშუალო საწარმოების დაფინანსების მხარდაჭერა. პროექტი ასევე ითვალისწინებს რეგიონებში არსებული ბიზნესების, ასევე ქალ მეწარმეთა საკუთრებაში არსებული ბიზნესების საკრედიტო დაფინანსებას.

ADB-ის მიერ გამოქვეყნებული ინფორმაციის თანახმად, სესხის მიზანია ადგილობრივ ვალუტაში დაფინანსების დეფიციტის აღმოფხვრა, განსაკუთრებით გრძელვადიანი პირობებით. ამავდროულად, ის შეამცირებს სავალუტო რისკებს საწარმოებისთვის და გააძლიერებს საქართველოს საბანკო სექტორის მდგრადობას.

„კრედო ბანკთან ჩვენი უწყვეტი პარტნიორობით, ADB უზრუნველყოფს, მცირე ქალაქებისა და სოფლების მოსახლეობის წვდომას დაფინანსებაზე,“ განაცხადა ADB-ის მუდმივი წარმომადგენლობის დირექტორმა საქართველოში ლესლი ბეარმან ლამმა. „ეს ტრანზაქცია ხელს შეუწყობს ბიზნეს შესაძლებლობების გაფართოებას საქართველოს სხვადასხვა რეგიონში და წვლილს შეიტანს ქვეყნის ეკონომიკის ზრდაში.“

ADB და კრედო ბანკი 2015 წლიდან თანამშრომლობენ, მიკრო, მცირე და საშუალო საწარმოების, ასევე სოფლის მეურნეობაში მოქმედი ბიზნესების ფინანსური ჩართულობის გასაძლიერებლად. ბანკი მხარს უჭერს მიკრო, მცირე და საშუალო საწარმოებს, სოფლის შინამეურნეობებსა და ფერმერებს, მომხმარებელზე ორიენტირებული მიდგომით, ციფრული ინოვაციებითა და ფინანსური ჩართულობის ხელშეწყობით.

„მოხარულნი ვართ, რომ აზიის განვითარების ბანკთან ვაგრძელებთ მრავალწლიან პარტნიორობას, რომელიც 2015 წელს დაიწყო,” განაცხადა კრედო ბანკის აღმასრულებელმა დირექტორმა, ზაზა ფირცხელავამ. ,,წლების განმავლობაში, ჩვენი თანამშრომლობა დაფინანსებისა და ტექნიკური დახმარების ფარგლებში, ხელს უწყობს მიკრო, მცირე და საშუალო საწარმოების ზრდასა და განვითარებას, მათ ფინანსურ ჩართულობასა და გაციფრულებას საქართველოს მასშტაბით. აღნიშნული 120 მილიონი ლარის მოცულობის ტრანზაქცია კიდევ უფრო გაზრდის ქვეყნის რეგიონებში ადგილობრივ ვალუტაში დაფინანსებაზე ხელმისაწვდომობას.”

გაზიარება:

BM.GE

წყარო: bm.ge

ორიგინალი სტატია

მსგავსი სტატიები

ფონიჭალაში ნანგრევებიდან 3 გარდაცვლილი ამოასვენეს | მაშველები კიდევ 3 ადამიანს ეძებენ

ფონიჭალაში ნანგრევებიდან 3 გარდაცვლილი ამოასვენეს | მაშველები კიდევ 3 ადამიანს ეძებენ

BM.GE

საქართველოს რკინიგზამ მგზავრთა რაოდენობა 20.2%-ით გაზარდა - საერთაშორისო მიმოსვლაში 5.6-ჯერადი ზრდაა

საქართველოს რკინიგზამ მგზავრთა რაოდენობა 20.2%-ით გაზარდა - საერთაშორისო მიმოსვლაში 5.6-ჯერადი ზრდაა

BM.GE

აშშ-მა ვენესუელასთან სამხედრო თანამშრომლობის შეთანხმება გააფორმა

აშშ-მა ვენესუელასთან სამხედრო თანამშრომლობის შეთანხმება გააფორმა

BM.GE

"მიღწეულია რიგი შეთანხმებები" - ზურაბაშვილი-გალუზინის შეხვედრა დასრულდა

"მიღწეულია რიგი შეთანხმებები" - ზურაბაშვილი-გალუზინის შეხვედრა დასრულდა

BM.GE